影片
更多
2018-08-20
38 浏览
爆丼丼系荃湾河背街，坐落系非常贴地嘅平民区。唔系见到佢入左6月份好评餐厅十强，真系未必识得黎。见佢价钱又唔贵，而且又有大大碗安格斯牛肉连鹅肝都系一百蚊松少少，一于试下好唔好味。---✨非常推荐✨ 安格斯牛肉鹅肝丼（$108）：安格斯牛肉和鹅肝都系小妹至爱。大大一碗，满满嘅牛肉，上面仲有两块分量级嘅鹅肝，睇到都流晒口水呀。烧过既牛肉好香脆，而且每片都劲大块，食落去真系啖啖肉唔夸张。鹅肝厚大有分量，再煎耐少少会更香口啦！唯一美中不足嘅系饭唔系珍珠米，呢度令成个丼减左少少分。不过性价比依然超高。---✨非常推荐✨ 原条蒲烧鳗鱼丼（$98）：意想不到嘅系「真系原条鳗鱼」咁上！鳗鱼食落不单有鳗鱼独有嘅味道，而且仲非常爽口，并不像坊间的「软身」无弹性。好有诚意呀！👍🏻👍🏻👍🏻 而煎蛋亦分量十足，估计有三只蛋。不过煎蛋过左少少火喉，可以将时间再缩短少少就perfect 啦！配上烧汁，连唔食鳗鱼嘅朋友食完都赞口不绝，食左差不多一半呀。---由于同行嘅朋友好钟意食煎炸食物，所以我地都点了两款炸物试试。店家所用的油亦很新鲜，绝对不是千年油！因小妹肠胃比较敏感，若食用油质素差会整晚反胃。而爆丼丼的炸物就没有
爆丼丼系荃湾河背街，坐落系非常贴地嘅平民区。唔系见到佢入左6月份好评餐厅十强，真系未必识得黎。见佢价钱又唔贵，而且又有大大碗安格斯牛肉连鹅肝都系一百蚊松少少，一于试下好唔好味。
---
✨非常推荐✨ 安格斯牛肉鹅肝丼（$108）：
安格斯牛肉和鹅肝都系小妹至爱。大大一碗，满满嘅牛肉，上面仲有两块分量级嘅鹅肝，睇到都流晒口水呀。烧过既牛肉好香脆，而且每片都劲大块，食落去真系啖啖肉唔夸张。鹅肝厚大有分量，再煎耐少少会更香口啦！唯一美中不足嘅系饭唔系珍珠米，呢度令成个丼减左少少分。不过性价比依然超高。
---
✨非常推荐✨ 原条蒲烧鳗鱼丼（$98）：
意想不到嘅系「真系原条鳗鱼」咁上！鳗鱼食落不单有鳗鱼独有嘅味道，而且仲非常爽口，并不像坊间的「软身」无弹性。好有诚意呀！👍🏻👍🏻👍🏻 而煎蛋亦分量十足，估计有三只蛋。不过煎蛋过左少少火喉，可以将时间再缩短少少就perfect 啦！配上烧汁，连唔食鳗鱼嘅朋友食完都赞口不绝，食左差不多一半呀。
---
由于同行嘅朋友好钟意食煎炸食物，所以我地都点了两款炸物试试。店家所用的油亦很新鲜，绝对不是千年油！因小妹肠胃比较敏感，若食用油质素差会整晚反胃。而爆丼丼的炸物就没有这问题！
---
✨推荐✨唐扬日本鱿鱼（$38）：
炸鱿鱼又真系几好味，鱿鱼几弹牙，炸粉适中，炸嘅时间又岩岩好。价钱钱又抵！不知不觉差唔多俾我食晒🙈🙈🙈
---
日式炸饺子（$28@5只）：
炸饺子本人无太大研究，净系觉得好味。由于朋友超爱食炸饺子，佢话仲有进步空间。
---
爆丼丼真系性价比极高既一间良心小店！系依家呢个年代仲边可能食到咁足分量而食材又好，但价钱又大众化嘅食店呀。见小妹俾咁多推荐就知啦。小妹果日去又觉得职员都好有礼貌，招呼嘅两名女职员都好好，怕客人冻仲会主动调冷气。仲有好多款人气丼仲未试，一定一定会再食呀。小妹真系诚意推荐爆丼丼！！！
---
张贴
