K2 Kitchen (已結業)

观塘周围都系工厂大厦，餐厅随地可见。今次简左间一直想食既西餐。入到去已满布圣诞节装饰，环境宽阔舒适，我喜欢每张枱有一定距离，方便摆放食物外，仲岩哂倾计。餐牌上绝大部分都想食，未食已流口水。平时上汤前都系上面包，今次系上挞，作为餐前小食都几好，香口松化。🥄肉桂南瓜汤餐汤分量不少，质感浓厚，南瓜味道浓郁，而且仲有啖啖肉桂味。🍴照烧加拿大牛小排 $108  配有机糙米饭一上碟十分吸睛，两块厚切安格斯肉眼堆砌一齐，烧得好香，分量多。外层香口，内里充满肉汁，牛味都几浓郁，可以叫店员加少少芥抺酱，但本身伴碟都有三款酱料：南瓜、青豆、紫薯蓉，卖相精致，色、味俱全。🍴烤羊扒伴虎虾 $158 配蔬菜虎虾大只，食落爽口弹牙，好易就可以将佢壳肉分离。羊扒有3块，肉质丰厚够嫩，烧得好香之余，亦食唔到羊膻味。伴碟同样好靓，吸睛万分。蔬菜有西兰花、翠肉瓜、粟米仔，岩哂想健康D既打工仔们。🍰咖啡慕丝口感松软，散发淡淡咖啡味，且分量刚好，唔会漏。整体伴碟做得细心，睇得出厨师的用心。视觉、味觉好之外，服务好贴心，亦好有礼貌，妈都大赞态度好。