影片
更多
2020-06-10
13953 浏览
自助餐迷应该等左好耐，自疫情开始，个个都话好耐冇食过自助餐，疫情开始缓和，好多自助餐都已经回归咗，其中大受欢迎嘅花月庭亦都番左黎啦。花月庭成日都有好多唔同嘅主题，每次都好令人深刻，今次都唔例外。唔知呢度有几多喺雀巢® KIT KAT®迷，通常好少以朱古力来做自助餐主题，下午茶用朱古力做主题你一定见得多，但自助餐真系提起我无限兴趣和想像，不如带大家睇下有乜好食啦。前排写海洋公园自助餐，网友即刻问有冇即开生蚝，如果你都系生蚝嘅爱好者呢度绝对啱你，即点即开够新鲜，而且都几大只， 雀巢® KIT KAT®主题外，一定不能错过又可以令你满意嘅，一定系生蚝。而呢度嘅海鲜阵容绝对冇令人失望，同样系食番高质素嘅多种不同海鲜，由于今次想主打讲新菜式，今次唔讲冻海鲜了。当然也不能错过这里的刺身，烟三文鱼，寿司也不错，但当然要留位，就食刺身算啦。讲番特别今次先有嘅菜式，滋贺县去过一次，都唔知呢度嘅米原来好出名，松叶蟹膏杂炊用上日本米为主题，系你面前用龙虾汤混合松叶蟹膏做一个杂炊 ，仲要加上好多好正嘅海鲜例如带子、龙趸、大虾同埋松叶蟹肉，点解要讲咁多因为如果见到个卖相你就咁食可能会Miss，因为个样睇完，你以
花月庭成日都有好多唔同嘅主题，每次都好令人深刻，今次都唔例外。唔知呢度有几多喺雀巢® KIT KAT®迷，通常好少以朱古力来做自助餐主题，下午茶用朱古力做主题你一定见得多，但自助餐真系提起我无限兴趣和想像，不如带大家睇下有乜好食啦。
前排写海洋公园自助餐，网友即刻问有冇即开生蚝，如果你都系生蚝嘅爱好者呢度绝对啱你，即点即开够新鲜，而且都几大只， 雀巢® KIT KAT®主题外，一定不能错过又可以令你满意嘅，一定系生蚝。
而呢度嘅海鲜阵容绝对冇令人失望，同样系食番高质素嘅多种不同海鲜，由于今次想主打讲新菜式，今次唔讲冻海鲜了。
当然也不能错过这里的刺身，烟三文鱼，寿司也不错，但当然要留位，就食刺身算啦。
讲番特别今次先有嘅菜式，滋贺县去过一次，都唔知呢度嘅米原来好出名，松叶蟹膏杂炊用上日本米为主题，系你面前用龙虾汤混合松叶蟹膏做一个杂炊 ，仲要加上好多好正嘅海鲜例如带子、龙趸、大虾同埋松叶蟹肉，点解要讲咁多因为如果见到个卖相你就咁食可能会Miss，因为个样睇完，你以为系普通料，但实在足料又好食。
炉端烧系呢度嘅出名之作，火炙龙虾其实每次嚟到都必食，加拿大嘅龙虾当然爽甜又弹牙，加上牛油和芝士同火焰拼凑出的酱汁交响乐，冇人会抗拒。
可能你以为 KIT KAT®一定主要系食甜品多但系呢度竟然有一个用朱古力元素入撰嘅美食，就系谷咕牛肋条。将牛筋条加入杂菜同秘制酱汁煮到腍哂之后，再加谷咕粉，吃下去即刻会有可可香味，个酱汁非常特别，基本上即刻会想用嚟捞饭食，我用上海南鸡饭嘅饭返嚟捞，感觉更有趣。
星期一到四嘅晚上每位更额外附送一盒明太子帆立贝北海烧，又系劲大只嘅份量，又有好开胃嘅明太子汁，可惜，每位只得一只。
最后，熟食方面另外一个最特别嘅一定系以澳洲M5和牛为主角嘅板烧澳洲M5和牛D-Rump，用上牛嘅腰脊部位，脂肪比例冇咁高，又系即叫即煎，肉汁满满，睇住师傅煎已经吞晒口水。
讲熟食，当然还有鸭肝多士，系回本之作。
其实还有好多熟食也不错，例如即场煮嘅乌冬，粉丝蚬，云吞鸡，片皮鸭，烧鸡等等，只怕你冇位不到。
相信甜品系朱古力迷最爱之作，限定雀巢® KIT KAT®主题甜品区，各款蛋糕造型玩味十足，美味又可爱，最紧要够趣又够脆。
全部都好靓好有特色，特别系 KIT KAT®造型，见到点会唔兴奋。
抢镜的巴西莓朱古力慕丝爱情用上朱古力忌廉加上戚风蛋糕，中间再给蓝莓同巴西莓慕丝味道，甜甜地又酸酸地，开胃。
呢个巨型 KIT KAT®朱古力条，总共大约17吋长，系最巨型最有玩味之作，以芙娜(Valrhona)的66% Alpaco朱古力为轴心，蛋糕加上朱古力松露软心，榛子曲奇脆夹心加海棉蛋糕，吃下去松软同香脆两层口味无间断为你送上。
其他的朱古力草莓忌廉蛋糕 、红桑子朱古力蛋糕 、芒果朱古力千层酥、红宝石草莓慕丝蛋糕、抹茶柚子白朱古力挞、香橙纸杯蛋糕，全部都美不胜收，争妍斗丽，爱甜品嘅一定可以食得好愉快。
所有爱自助餐嘅朋友，如果你饿左好耐自助餐，以呢个为序幕绝对不错，供应期到七月底，想食就快啲订位啦。
花月庭
旺角太子道西193号帝京酒店2楼
张贴
