帝廊

营业中

休息中

最近见到有唔少新推出的酒店下午茶，好快咁约左个frd去铜锣湾富豪酒店食tea！之前未试过呢间，发现原来呢度tea set系几抵食，HK$398两位，仲要每人有一份小礼物送今次个下午茶系以花果做主题，所以有唔少咸点或者甜点都有花果元素做材料。总共有10款，其中4款咸点，5款甜点，再有提子scone、伯爵茶scone各一，另配一杯玫瑰茶。个人觉得有几款系比较出色，先系伯爵茶scone，普遍酒店系提供原味同提子，earl grey个味好出好香，scone表面烘得香脆。烟三文鱼配柠檬忌廉芝士亦好好味，厚身烟三文鱼再卷埋柠檬cream cheese感觉好refreshing!! 而鹅肝冻批配红桑子啫喱口感滑得黎，配埋酸酸甜甜既红桑子系几新奇既口味，无左鹅肝𠮶 种臊味，连平时少吃鹅肝既我都觉得值得一试。甜品方面车厘子杏仁饼的mousse好香滑，柠檬挞配青柠啫喱酸度十足好过瘾！