花果飄零 (已結業)

天气热一热 但又唔想饮重身嘅奶茶 去到朗豪坊见到有间花香飘零个名感觉会有小清新嘅饮品店就决定试吓， Menu 选择大概分左8个分类 有生果茶 有花果 有花香 当然亦有大众化嘅 奶茶、芝士奶盖 、醇茶 同 樽装嘅有草本茶。而热饮就有汉方虹吸系列 而我本身系怕好甜嘅人类 想解下渴降下温就选择咗花香特调嘅桂花菊花冰糖雪燕🥰清热又有雪燕养吓颜～店员都好贴心问需唔需要调教甜度 我要左少甜 但唯一系佢嘅冰度系冇得减少嘅🥲 佢哋嘅某啲饮品系冇得调教甜度 或 冰块的；建议大家买前先问店员喔～ 讲返我杯饮品啦，有微微桂花味有几粒杞子配菊花既清热又明目又有雪燕咬下之余 养下颜又有助减肥排脂。好啱我怕肥嘅人类 感觉成件事好似都几健康养生咗😂当然如果佢可以减冰块度我会更喜欢💕 而店内仲有唔同口味可爱笑笑表情嘅鸡蛋糕都可以一齐连饮品买当个下午茶都唔错 ，不过今次我唔饿就冇叫到 。 但整体而言很不错 下次会想再试佢其他花香 或者 相对健康嘅花茶系列手调饮品。