影片
更多
2017-01-03
1759 浏览
第二次来店，第一次来嘅时候呢个舖位只有而家嘅一半咁大，我谂应该系生意好挂，而家有两个舖位，比起之前起码多左十几张枱。购买嘅形式都仲系喺门口嘅收银处先拣食物，俾钱。跟住就攞个牌去自己嘅位，等待服务员送餐俾你。做食物嘅速度都算好快，买完之后坐低大概3分钟已经上第一款食物，其余果两款食物都系2分钟之内送到。我钟意食佢呢一个牛肉粉，系因为好钟意佢𠮶阵味道，而且佢仲可以加佢独有嘅麻子，即系花椒。佢呢只花椒未加落去嘅时候已经好香，食落口时有一阵麻嘅感觉，觉得好过瘾。本身嘅牛肉汤底味道好清，辣味非常之够，连我平时比较钟意食辣嘅，食个小辣已经觉得好辣。牛肉系用左牛辗切粒，炆得好淋，有肥有瘦。但我觉得可能切得太细，无左牛𠮶种口感。我呢一个系一个餐，70几蚊有一个餐＋1个小食。我嘅小食拣咗拍青瓜，呢一个拍青瓜味道中等。醋味好重，仲有蒜头的味道，辣就唔多觉。另外仲加左个手撕鸡，呢个手撕鸡感觉一啲都唔好食。佢除咗鸡之外好似夹杂咗一啲瘦肉，食落去两种肉嘅质感都非常韧，而且味道唔太有创意，只有辣味同酸味。仲记得第一次去食嘅感觉非常之好，个汤底比较浓，有心思。现在就无左呢份感觉。唯一不变嘅相信就系佢嘅花椒粉，都系甘
购买嘅形式都仲系喺门口嘅收银处先拣食物，俾钱。跟住就攞个牌去自己嘅位，等待服务员送餐俾你。
做食物嘅速度都算好快，买完之后坐低大概3分钟已经上第一款食物，其余果两款食物都系2分钟之内送到。
我钟意食佢呢一个牛肉粉，系因为好钟意佢𠮶阵味道，而且佢仲可以加佢独有嘅麻子，即系花椒。佢呢只花椒未加落去嘅时候已经好香，食落口时有一阵麻嘅感觉，觉得好过瘾。本身嘅牛肉汤底味道好清，辣味非常之够，连我平时比较钟意食辣嘅，食个小辣已经觉得好辣。牛肉系用左牛辗切粒，炆得好淋，有肥有瘦。但我觉得可能切得太细，无左牛𠮶种口感。
我呢一个系一个餐，70几蚊有一个餐＋1个小食。我嘅小食拣咗拍青瓜，呢一个拍青瓜味道中等。醋味好重，仲有蒜头的味道，辣就唔多觉。另外仲加左个手撕鸡，呢个手撕鸡感觉一啲都唔好食。佢除咗鸡之外好似夹杂咗一啲瘦肉，食落去两种肉嘅质感都非常韧，而且味道唔太有创意，只有辣味同酸味。
仲记得第一次去食嘅感觉非常之好，个汤底比较浓，有心思。现在就无左呢份感觉。唯一不变嘅相信就系佢嘅花椒粉，都系甘麻，甘香。张贴
