探魚烤魚

营业中

休息中

一入餐厅闻到花椒香气扑鼻已经食指大动！ 好难抗拒呢种香味！其实我从来未试过酸菜鱼，亦提不起劲去尝试，今次朋友有我去试呢间麻辣烤鱼窝令我很惊喜! 首先的惊喜系$6无限冰粉台! 我就食咗两碗😋😋透明嘅冰粉望到都透心凉🥰有滋润的桃胶，桂花蜜及软糯嘅白珍珠，寒天晶球，黑糖紫薯，烟韧嘅葡萄干，再加生椰🤩🤩😋😋😋正是菜牌上形容的「解辣」良方😙杂锦炸物，当中有一嚿大鸡柳，两块炸金菇，好几条肉条，同埋一片片嘅薄脆。当中我就最欣赏薄脆，点上甜辣鸡酱，非常可口。主菜鲜青椒爽麻烤鱼最后上场。一嚟到花椒嘅香味扑鼻，酱汁非常惹味，一食落去，就好似坊间「辣条」嘅惹味麻椒辣味道。汤底好够味，条鱼本身亦腌得非常入味，不停地喺度慢火煮，鱼肉仍鱼好滑，越煮得耐汁就越浓， 窝边嘅豆腐就越来越入味。呢个一把杨育就麻麻哋啦，每串杨育都系丁屎咁细粒，味就OK，但不会推介。糍粑都非常之出色，可惜我哋一早就落单，所以好早就上枱，食晒所有嘢之后先食呢个糍粑当甜品，所以外层已经冇咁脆，但仍然非常软糯，中间有唔会太甜嘅馅料。整体服务味道都好好，可惜香港嘅探鱼烤鱼锅只有烤鱼同豆腐，但大陆店入面已经配埋有冬粉及其他配菜，所以会更加抵食好味。