花甲年華

营业中

休息中

南充酸菜鱼花甲汤$68酸菜鱼第一次咁样食法，用锡纸包住，都几新颖特别。一打开一浸酸香扑鼻而来，令人流晒口水。汤汁酸酸哋唔太辣，反而有小小麻，更加刺激口水分泌同食欲。花甲令汤底好鲜甜，酸菜酸爽，鱼肉嫩滑，底下嘅粉浸住汤汁，惹味又爽滑。珍宝肥牛花甲粉$65汤汁颜色睇上去好辣咁，其实一啲都唔辣。花甲嘅鲜甜加肥牛嘅甘香令汤嘅味道好特别。肥牛份量好多，食落Q弹有口感。金菇同肥牛系永远嘅绝配，索晒啲惹味汤汁，爽口又好味。底下嘅粉丝略嫌腍咗小小。焗茄子$30茄子多肉多汁，又滑又香，厚厚嘅一层蒜蓉加葱花，浓郁嘅蒜香味令人流晒口水。