大煲皇煮廚 (已結業)

晏就放lunch同同事经过见到佢门口既poster，200几蚊有半自助火锅，又有刺身同海鲜盘，觉得食得过，就叫埋屋企人今晚系到开餐。打边炉唔同平时既电磁炉，系蒸气火锅黎既，唔洗惊痴底或者食到一半另外加水，因为佢会一直蒸 d气出黎，反而会愈食愈多汤。汤底方面，叫了花甲水蟹锅，另外再叫了蕃茄同粟米加落个汤一齐煲，乳白色既汤底都几鲜甜，但如果钟意浓味既建议拣其他，因为呢个汤比较清。雪长蟹柳，唔系一般果啲劣质蟹柳，几好食；海虾，海虾任叫真系好正，每次都有出到足俾我地，都算几新鲜，虾既size大大只，碌完又唔会缩水，肉质牙，啖啖肉，食到非常爽。海鲜盘：有花甲，海虾同蛏子皇，样样都系新鲜既，每人一份，花甲好鲜甜，海虾比任叫既虾更新鲜更大只，蛏子皇当然size 都有返咁上下，好甜美！炸鱼皮非常脆身香口，亦无咁容易碌到散晒，但注意轻轻灼几秒就够喇，仲可以保留返弹性，口感好啲麻。安格斯肥牛系送既，只有一碟，系靓料，想encore 都无得encore，当然系非常有牛味，肉质有弹性，肉同脂肪既比例岩岩好，非常好食！