萬發海鮮菜館 (已結業)

由于突然间屋企人话出去食晚饭，响谂唔到去边之际，再次到万发光顾。由于最近才食完大肠，牛柳肉之类，唔想再叫同样嘢，所以叫左以下几款。玫瑰露冰镇鹅掌亦 - 味道刚刚好，酒味不会太重又不太咸，亦身本身也很大件。爽滑鱼皮 - 不算话好特别，但个姜葱鼓油味道都好好，好像是40蚊，大大碟，都抵食。石头锅烧雪菜芥兰片 - 够特别，特别D肉碎用来捞饭，一流。油浸荀壳鱼 - 非常出色，外趣内软，虽然用油浸处理，但仍然好有鱼味。极力推介。椒盐鲩鱼鲛 - 椒盐万发的确系出色，喜欢吃鱼，但又唔想好多骨的，一定会喜欢。鲩鱼鲛的肉又特别滑，椒盐又香口。简直系鲜鱿同九肚鱼外一个好好的选择。黄金花竹虾 - 咸蛋黄包住成只虾，超香。花竹虾头大多膏肉弹牙，食完包你大声哗，胆固醇虽然高D，但系又系必吃项目。虽然220蚊，但个人就觉得OK，因为口感真系好丰富。鼓椒炒花甲 - 食过油盐水花甲同呢个比，虽然好味，但个人比较喜欢油盐水煮多D。原本谂住食小小，但实在太美味喇，大家都满载而归，本来话去食糖水都食唔落！我还见到墙上餐牌有芝士焗赖尿虾肉伊面，啫啫鱼卜等等。我一定好快会去KO佢。