Gary Kwok Flowers & Café

营业中

休息中

同朋友 bookmark 咗呢间「Gary Kwok Flowers & Café」好耐，终于夹到时间一起到访。店舖由名花卉设计师及艺术家 Gary Kwok 创立，以花花为主题。装潢非常抢眼，集花艺工作室与梦幻花系 Café 于一身，场内满布各式花草和植物，让人有恍如置身于花园中，啱晒同朋友嚟影相打卡！餐厅主打轻食、花香特调饮品及精致艺术蛋糕，我哋每人点咗一份多士早餐，配咖啡同梳打。杂菌牛油果：多士烘得好香口，边位微脆、内里软绵，面头铺满杂菌同牛油果。杂菌湿润爽滑，食落有菇香，牛油果熟度啱啱好，滑溜 creamy，美味又有营养😋 至于另一份北海道烟肉车厘茄配忌廉芝士，卖相亦非常吸引，车厘茄甜美多汁，入口超 Juicy，烟肉咸香又不油腻，配上忌廉芝士，为味觉带来丰富享受。Latte 嘅拉花很精美，啡味浓郁甘香，入口顺滑细致；另一杯 Good Minute Refreshing Soda 亦非常养眼，梳打酸酸甜甜，内有大量果肉，清新醒胃。