影片
更多
2022-02-08
224 浏览
同朋友喺尖沙咀行街，见到有间粉红色餐厅几特别，就行咗过去睇吓。餐厅有好多花、植物做装饰，环境几阔落、优雅，就谂住试吓。午餐都几多选择，拣咗麻油淮山天然鸡肉丼 $142，连汤加饮品。是日浓汤系蘑菇汤，估唔到有惊喜。细细杯，不过足料，重菇味，每啖都食到蘑菇碎。之后到主菜。主菜好大一碗，入面有鸡件、淮山、红枣、冬菇。汤头比想像中浓郁，味道层次丰富，有麻油味得嚟唔会油腻，好啱配饭。鸡件份量足，淮山够淋入味，推荐。朋友叫咗香煎鲈鱼喇沙扁意粉 $152，连汤加饮品。鲈鱼鱼皮香脆，肉质厚实弹牙，份量多。意粉咸香微辣，有喇沙味，唔错。总括嚟讲，餐厅菜式选择多，味道同价钱成正比。环境舒适，坐得舒服，啱想食健康啲、一家人或者几个女仔倾偈食饭。
午餐都几多选择，拣咗麻油淮山天然鸡肉丼 $142，连汤加饮品。
是日浓汤系蘑菇汤，估唔到有惊喜。细细杯，不过足料，重菇味，每啖都食到蘑菇碎。
之后到主菜。主菜好大一碗，入面有鸡件、淮山、红枣、冬菇。汤头比想像中浓郁，味道层次丰富，有麻油味得嚟唔会油腻，好啱配饭。鸡件份量足，淮山够淋入味，推荐。
朋友叫咗香煎鲈鱼喇沙扁意粉 $152，连汤加饮品。鲈鱼鱼皮香脆，肉质厚实弹牙，份量多。意粉咸香微辣，有喇沙味，唔错。
总括嚟讲，餐厅菜式选择多，味道同价钱成正比。环境舒适，坐得舒服，啱想食健康啲、一家人或者几个女仔倾偈食饭。
张贴
