雞駅花膠雞米線專門店

营业中

休息中

今次终于同朋友一齐食到呢间人气超高嘅鸡駅花胶鸡米线专门店喇！因为每次系骆驼漆经过，都见到好多人排队！今次我哋有幸地排咗一阵间，就入到去啦！佢哋汤底每日新鲜熬制，而且价格亲民！仲有多款汤底选择，招牌花胶鸡、胡椒猪肚汤、蕃茄汤、药膳汤等。我哋今次点咗姬松茸竹笙花胶鸡米线、招牌花胶鸡上海面、冻柠檬薏米水、热柚子蜜，养生之选！！！ 姬松茸竹笙花胶鸡米线米线面质有咬口，姬松茸、竹笙同花胶，至上食材。竹笙大大件，够爽口；鸡肉够嫩滑；姬松茸菇味香浓，令到汤底更香。花胶胶质丰富，色泽金黄通透！招牌花胶鸡上海面加钱＋$5转咗上海面，最惊喜系面条仲系每日新鲜制作，吃入口非常有口感！鸡汤奶白色，清香不油腻，啖啖鸡肉非常好嫩滑，好够味！饮品冻柠檬薏米水、热柚子蜜，两杯饮品都好足料，冻柠檬薏米水味道微酸解渴，而热柚子蜜里面落咗好多柚子蜜，香甜又润喉。