肉餅哥小炒料理 (已結業)

终于有机会黎食肉饼哥啦, 之前听佢个名都听唔少.前两日刚好有机会同朋友一齐黎试下传闻中的肉饼, 果然完全冇令我地失望!我人生中认识的 “肉饼” 都系得果4,5款.但原来老板竟然创造出咁多唔同风格同特色味道的“肉饼”, 果然厉害!足三两花胶肉饼 配 南瓜粥花胶份量好足好澎湃, 足足有三大旧! 而且燘得好腍好软滑, 入口滑嘟嘟,胶质非常重非常黏稠，啖啖都好浆口, 感觉超养颜~而底下的蒸肉饼都一样咁大件, 差不多有一吋厚. 肉饼的肥瘦肉比例配得刚刚好, 所以入口感觉好松软，唔会硬实实地。可能因为没有落太多的味精调味料的关系, 反而肉的甜味好突出. 而南瓜粥煲得好软绵, 淡淡的南瓜味.