開飯主義

营业中

休息中

大埔墟食lunch, 行过呢间餐厅，见有好多选择，入去试吓。餐牌密密麻麻嘅项目，港式、西式、日式、大碗饭、芝士溶岩类别等，坐底拣紧食咩嘅时候除咗睇午餐之外，我都顺便睇埋下午茶有咩食，谂住下次试吓，𠮶时侍应见到我睇下午茶Menu，就同我讲：你唔好睇呢啲啦，依家呢个时间冇得叫㗎！”。我心谂……依家lunch时段，我梗系知冇下午茶啦，只系想睇吓你哋下午茶有咩食啫。我冇理佢，过咗1分钟到又有另一位侍应同我讲，”依家冇下午茶㗎, 睇其他嘅嘢啦！”, 妖……..李露媚呀⋯⋯睇吓咋，我冇话呢刻要叫下午茶，而家lunch时间我睇定啫⋯⋯系咪睇吓都唔得呀！好喇拣午餐，热到冇乜胃口，但始终要食啲嘢，咁就拣咗”花胶无骨鸡汤泡饭”, 希望有淡好少少嘅汤入口。上枱，份量正常，汤嘅颜色就够喇，味道比例汤好少少，咸味多个鸡汤嘅味。鸡件·有六件已去骨唔使吐骨方便👍🏻，鸡肉都嫩嘅，不过就冇乜鸡味；花胶·大约有六件，size一嚿一啖细细嚿，都食到有花胶嘅味，不过带有腥味, 不过呢个价钱，话晒都有花胶食，唔要求太高喇。最后以一杯正常嘅冻柠茶，完成当日嘅午餐。