潮州人 (已搬遷) 新店位置

见到报纸报道，太子有间专食花胶米线粉嘅黄店，趁今晚早食饭专程去试吓，佢店舖好细，坐到三四台客only，店舖墙上大大句「我地真系好撚中意香港」今日我有三个人一齐食，我哋就叫咗个二人餐再另外散叫一个面，二人餐除咗包两个粉之外仲有一碟菜同埋两支嘢饮。佢最招牌出名就系花胶汤米粉，二人餐里面其中一个当然会叫呢一个，佢嘅汤系用鸡汤，送米粉一流，花胶煮得好入味弹牙，但系略嫌件数少咗啲。另一个就拣咗广岛蚝汤米粉，广岛蚝好肥美，一咬落去蚝汁就会涌出嚟整个口腔都系蚝嘅鲜味。另外仲散叫咗个蚝油花胶捞米粉，几特别捞米粉唔多有得食。见到佢写住有推荐额外叫咗一个清酒煮大蚬，呢个好好食，够大只够甜，如果一个人嚟食，可以直接叫佢个清酒大蚬汤米粉。