影片
更多
2022-12-12
283 浏览
天寒地冻最啱打边炉最近发现左呢间火锅做紧优惠鸭血任添吸引到我即刻去睇下咩料。发现佢地如果18:00埋单仲有85折，如果21:30之后入座就8折，超抵！入座之后首先选返汤底啦，呢度汤底款式好多，今次我就选左可以任添鸭血既台式麻辣鸭血汤底同埋花胶炖鸡汤底拼既鸳鸯锅。讲下啲汤底啦，麻辣鸭血汤底啲鸭血味道唔错，所以任添真系大饱口福，辣度就唔太辣可以再辣啲，缺点就系汤底唔系好够味，略为逊色；至于花胶汤底就超正！店员会建议你先饮汤之后先开始打边炉，啲汤真系好够味好浓郁，花胶焖到好够软好有嚼劲，鸡切左粒食落好爽口，仲有鲍鱼同鲍片，呢个汤底我觉得满分！至于打边炉既嘢食，例牌一定要叫肉啦，由于我唔食牛，所以点左个羊肉片，猪肉片，同加拿大松阪猪，另外叫左个企鹅丸同鱼皮。肉类唔错好新鲜，羊肉我觉得有少少太肥，至于企鹅丸系佢地既推介菜，味道普通不够造型几可爱，可以打下卡，鱼皮既份量颇多，炸得好松脆，同麻辣汤底几夹。另外，佢地仲有提供任添既卤肉饭同炸甜薯球。卤肉饭啲卤肉好好吃，好入味，饭煮得偏软不够任食算系咁；炸甜薯球整得都好出色，唔会太甜，皮又薄，记得拎多几粒，因为好快会俾人拎晒。跟住仲有西瓜同蜜瓜，都好甜唔
天寒地冻最啱打边炉最近发现左呢间火锅做紧优惠鸭血任添吸引到我即刻去睇下咩料。发现佢地如果18:00埋单仲有85折，如果21:30之后入座就8折，超抵！
入座之后首先选返汤底啦，呢度汤底款式好多，今次我就选左可以任添鸭血既台式麻辣鸭血汤底同埋花胶炖鸡汤底拼既鸳鸯锅。讲下啲汤底啦，麻辣鸭血汤底啲鸭血味道唔错，所以任添真系大饱口福，辣度就唔太辣可以再辣啲，缺点就系汤底唔系好够味，略为逊色；至于花胶汤底就超正！店员会建议你先饮汤之后先开始打边炉，啲汤真系好够味好浓郁，花胶焖到好够软好有嚼劲，鸡切左粒食落好爽口，仲有鲍鱼同鲍片，呢个汤底我觉得满分！
至于打边炉既嘢食，例牌一定要叫肉啦，由于我唔食牛，所以点左个羊肉片，猪肉片，同加拿大松阪猪，另外叫左个企鹅丸同鱼皮。肉类唔错好新鲜，羊肉我觉得有少少太肥，至于企鹅丸系佢地既推介菜，味道普通不够造型几可爱，可以打下卡，鱼皮既份量颇多，炸得好松脆，同麻辣汤底几夹。
另外，佢地仲有提供任添既卤肉饭同炸甜薯球。卤肉饭啲卤肉好好吃，好入味，饭煮得偏软不够任食算系咁；炸甜薯球整得都好出色，唔会太甜，皮又薄，记得拎多几粒，因为好快会俾人拎晒。跟住仲有西瓜同蜜瓜，都好甜唔错。
饮品方面佢地出名既系奶茶，不过当日我地好想饮酒，所以冇叫到奶茶，而且酒做紧优惠，买三送一，一杯只系$58，好抵！之后我地发现其实佢地免费提供既茶其实超好饮，净系饮茶其实都够，可惜冇一早发现。🤣🤣🤣
最后食到好饱谂住埋单既时候，店员竟然送左一人一份酸梅啫喱甜品俾我地解腻，十分体贴，跟住送多杯细细杯既芒果冰沙俾我地，味道都唔错。总结，呢间火锅我认为超抵食又好味，一定会再黎！
张贴
