澳門仔火鍋串燒專門店 (已結業)

落雨天总系令我好想食D热辣辣嘅嘢，今日放工老公就话想打边炉，所以佢就带我去'澳门仔火锅串烧专门店'饮个花胶煲鸡汤之后再打埋边炉，问佢点解识去，佢话早2日同事带佢落嚟食嘢之如仲有波睇最紧要有个靓汤必定要带我嚟饮。去到一坐底我哋就拣咗花胶煲鸡个+火锅任食，个煲一到伙计就提我哋滚咗之后就先饮汤，后再加汤打边炉估唔到个汤真系无味精，花胶又煲得淋个鸡都好好味，饮完个汤我都饱饱地跟住佢哋就攞咗个海鲜并盘过嚟，估唔到有咁多款，有蟹，鲍鱼，大带子，圣子，花甲等等……最紧要样样都好新鲜，仲有任食火锅配料，食完咁多嘢无谂过任点嘅质数都相当唔错，自己就最欣赏猪润同粉肠新鲜仲带有小小甜味，脆鲩鱼腩同埋手打墨鱼丸都系我爱嘅，最紧要系收依个价有咁多新鲜嘢食仲包埋饮品。