至尊滿屋日本料理 (已結業)

而家一街都系放题，每间食物选择都差不多，点样突围而出真系一个几大嘅考验，今日同朋友就黎咗旺角嘅满屋，一齐睇下佢有乜过人之处。好多放题都将枱与枱间摆到好近想做多几枱客，但呢到地方企理之余，枱间距离都可接受，保持一定私人空间。先讲刺身，以价钱黎讲，可选择项目都算合理，我都叫过嘅三文鱼，吞拿鱼，大赤虾，翡翠螺，带子，每样都厚切唔小家，仲好新鲜，唔错。佢地呢到主打创意寿司，味道唔错仲几有惊喜，当中推荐法式芥末象拔蚌寿司，意大利黑醋帆立贝，新颖得黎又唔怪，仲几好食添。女士们又点可以唔滋补下呢，最令我深刻嘅系佢地嘅花胶系列，一黎钟意食「胶」，二黎佢地嘅份量厚又入味，烹调功夫做得几好，有吉品鲍汁烩花胶盛宴&花胶锅，钟意食放题又想顺便养下颜嘅女士们就唔好错过喇。