潮州人 (已結業)

听讲呢间嘅花胶米粉几出名，我趁公众假期晚饭时间去试吓。我唔算喺最繁忙嘅时间去(大约6点几)，咁啱店内坐满人，要企喺街度等。好彩当时冇乜阳光，未至于觉得太热😬▫️招牌花胶米粉 (HKD53) - 加了$8转双拼(手切肥牛)。可能系双拼嘅关系，花胶size比我睇相片嘅小。花胶咬落几爽口同埋冇乜味道。肥牛肉质地较鞋🙈🙈，早知就咁叫花胶米粉算啦。门口餐牌写住汤底每日用鲜鸡煲制，但我就觉得冇乜味道🤔🤔米粉好幼身，软绵绵咁我几钟意食。份量我觉得细咗啲，食唔饱呀😂😂😂😂 ▫️溏心醉蛋 (HKD18) - 酒味好够，对溏心效果几满意，系成餐饭最有味道嘅食物。