大笪地火鍋 (已結業)

今次系我第二次黎，仲记得上次黎仲系新开冇耐，客人唔多，时隔几个月已经好爆场，可见一年四季打边炉都系咁受欢迎的。火锅店位置都几多，一行九人预约左位置同朋友庆祝生日，打定黎预约位置，不过因为系周五，佢地都答唔实会唔会一定有房，视乎上手几时交枱，咁都好好彩，去到人地已经差不多埋单，都成十点几，所以我地最后都有房仔坐。佢地嘅房用块布帘盖住，坐到十零个人啦，有电视，冷气充足，都几舒适嘅。我地本来打算点两个锅，不过店员好好啦，见我地人多，话点一只花胶鸡，佢帮我地分两锅上，省却谂点乜锅嘅烦恼，大家又够食。佢地嘅花胶鸡汤底都几浓郁嘅黄色，唔算话见到好多鸡油，味道都几浓，我地每人都饮左少少，先开始打火锅。我谂大多数人黎，都会点呢个锅底，未至于胶味好浓，但佢地嘅花胶系俾得几大方，而且汤底都系愈煲愈入味果种至于其他配料我地都觉得质素唔错啦，价钱唔系贵，特别系鱼、鲩等等，都好脆口，够新鲜！牛肉方面就中规中矩，点左普通肥牛、牛颈脊、安格斯，都唔错，肉味未至于好浓，但都好腍身牛丸系我上次黎都有点的，里面爆芝士，我觉得牛味几出，而且啲芝士必出黎，热辣辣，几好食。虾滑都系中规中矩，因为份量唔多，我地都点左两份，虾肉都