樂湯雞麵館 (登龍街)

营业中

休息中

按著手机的外卖平台App，呢间有堂食七五折，之前其实帮衬过一次，本来已不欲回头。但快到晚上十点的铜锣湾，原来好多食店都已打烊，于是我同头先散场嘅电影女主角一样，俾多次机会佢。店员推介我食招牌花胶鱼翅鸡面。九十二蚊，系平价餐厅食扮上菜嘅贵价野，咪俾次机会，试下佢虚实啰。那片厚而无味的花胶，就像刚散场啦电影般平淡。不难食，但非鲜甜惊艳。翅嘅质地同味道，又硬又腥，就好似《神探大战》勇夺金像奖导演同编剧一样令我一头雾水。至于鸡，咪鸡啰。有啲肥，有啲油，有啲痴牙有啲韧。刀削面系碗野入面最好味嘅。总结，难食又未至于，同套戏一样令中容易遗忘。唯一令我记得系佢个价钱，打折后，七十八蚊连豆浆。够我系谭仔食碗米线，再加碟皮蛋，但满足感却比呢度高几倍啰。