White Hse. (已結業)

同好姊妹假日食tea, 来到呢间以花做主题嘅楼上Café食野打卡。餐厅面积不大, 还好有预先book台。特别系呢片红玫瑰花墙, 非常吸晴。Menu上展示每款食物图片都好吸引, 好姊妹系素食者都有选择。紫醉金迷 HK$208卖相靓到完全搞不清系艺术品定意大利饭, 色彩缤纷嘅食用花、菜叶同埋金箔堆积著, 饭底用上了紫椰菜煮成紫色, 再配上两只香草蒜蓉芝士开边大虾、蚬, 饭底比较杰身, 味道不太特别, 食唔出系紫椰菜染成, 虾几爽, 蚬有dd咸味。卖相取胜!金箔黑松露杂菌蝴蝶粉 HK$141普通蝴蝶粉居然都有金箔同食用花喺上面, 黑胡椒味比黑松露味突出, 清清地, 岩哂素食朋友。蝶豆花绿茶 HK$45好完美嘅分层色, 整杯饮品搅拌后只有极微甜, 饮咗都唔怕肥。Easter Cookie Cup HK$86樽装鲜奶, 配上餐厅自家制曲奇杯, 将鲜奶倒入杯中饮用, 饮完仲可以食埋只杯落肚。