My Ahjussi (已結業)

今晚同男朋友黎到一间布满花花装饰既韩国餐厅食晚饭，打卡一流。首先送上一碟前菜。泡菜新猪肉豆腐锅好足料，劲多豆腐、新猪肉同泡菜，几辣架。叫呢个系好奇想试下新猪肉系咩味，估唔到新猪肉食落无论味道定口感都同普通猪肉无异，好有惊喜。韩式便当配炸鸡除左有白饭，仲有甘笋丝、青瓜丝、粟米粒、杂菌、太阳蛋、拌饭酱，色彩丰富。炸鸡有三件，拣左韩式甜辣味，虽然辣，但十分惹味，而且食落啖啖肉，肉质嫩滑唔鞋口，好味。韩式泡菜牛肉薄饼未食过呢种配搭既pizza，都几夹。重点系pizza食落好烟韧，唔会硬掘掘，好好食。饮品一杯叫左Secret Menu既士多啤梨奶(跟餐加$25)同一杯冻泡沫朱古力(跟餐加$20)。士多啤梨奶有球士多啤梨雪糕，当佢融化系士多啤梨奶到就变身成为士多啤梨奶昔，正。冻泡沫朱古力唔太甜，卖相都唔错。