NATURA : (已結業)

Natura: 初初开张时帮衬过一次，相隔几个月后再来食lunch，无论食物及店内嘅花饰都有转变。唯一不变嘅系午饭时候依然系咁多人😆 午市餐牌选择都几多，有自选、素食、低碳等套餐提供。▫️Low Carb Set (HKD168) - 有汤、前菜、蒟蒻面、主菜 - 所有食物用个木盘装住一次过上，摆盘系几有心思。低碳餐嘅主菜得一款，唔似自选午餐咁有得拣主菜。呢个餐嘅主菜「日式蒲烧鳗鱼」味道中规中矩，只系觉得件鳗鱼薄咗少少。蒟蒻面上放咗少量Wasabi，同埋有一小碗酱汁俾你捞埋一齐食。如果觉得食一碗蒟蒻面系唔够嘅话可以叫店员帮你添加(可以无限添加嘅，我就觉得食一碗已经够晒饱)。 Lunch set唔包饮品，要另叫。我哋每人叫一个set再加饮品人头费已经过$200。⭐️店内设有每位最低消费