花見日本料理 (已搬遷) 新店位置

最近真系好多新餐厅开张，对于香港人来讲一定系一件好事，不过对我来讲，如果系开日式餐厅就更加开心啦。上星期嚟咗位于铜锣湾嘅花见日本料理，啲装修超有日本feel ,而且个老板娘都好有日本人感觉。刺身拼盘上枱，呢度啲刺身都非常新鲜，我最钟意食拖罗刺身，鱼油劲香劲吸引，仲有带子刺身同埋赤背刺身，既鲜甜又弹牙，赤贝好爽口！香炸鸡爪鸡爪真系第一次食，估唔到呢一个部位都可以拎去炸，不过又几好食，餐厅炸得非常香脆，而且炸浆调味啱啱好，咬落脆脆的，有少少似食紧鸡软骨。特色天扫罗呢度有好多食物都系餐厅厨师自己研发出嚟，就好似呢一碟天妇罗，师傅用青椒包住鱼肉，再拎去炸，几香脆又美味！虾丸汤呢碗虾丸汤一定要推介！虾丸系餐厅自己用新鲜虾搓出嚟，再配上日式清汤，感觉几清新又可口，鲜虾味非常香浓。最后我哋叫咗啲饮品，分别系抹茶雪糕沙冰同埋士多啤梨雪糕沙冰，卖相吸引，推介抹茶雪糕沙冰，因为抹茶雪糕够哂软滑，抹茶味香！