茶木‧台式休閒餐廳 (已結業)

茶木×樱桃小丸子，近来兴开会都会揾餐厅一路食一路倾，寻晚都唔例外走到去旺角琼华中心10楼茶木，开饭兼倾新计划。我当然被小丸子吸引，不停同小丸子、 花轮同学及其他人物合照啦～咁得意唔系唔影嘛。叫食物都一样，要食期间限定的款式。花轮皇子元贝炸虾饭，大大个花轮同学呈现你眼前，哈哈～味道方面炸虾够热，不太油腻。惊喜位系元贝有两大粒，两边煎到黄金包放在大啡菇上，用芝士盖面，烧熔芝士后刚好包住两粒元贝系里面，大啡菇香口多汁，元贝鲜甜再加埋芝士嘅香，又几好味㖞。我对面条友冇我咁好气，佢点了餐牌上的红烧半筋半腩牛肚面，系平时大家喜欢茶木的味道，红烧味香浓， 牛筋、牛腩同牛肚都弹牙入味，面都正常，味道不错。饮品点都要饮花轮玫瑰咖啡拿铁，玫瑰花嘅香带著牛奶咖啡味，好有Paris感呀~Baby~至于爷爷抹茶欧蕾， 抹茶奶味香浓不苦涩，又唔太甜，很好。甜品又见到花轮同学同小丸子啰～ 小丸子绿茶心太软，我想讲个心太软超好食，我不喜欢食甜品，都觉得很好味，单睇似草饼，食落系软绵绵的抹茶香，里面真系好流心架，不甜同带抹茶嘅甘香，必食新推介。