龍鳳號 (裝修中)

成间舖头装潢用古早风，连凳都系木板凳 其实坐得唔舒服，食物质素都好一般，喺香港咁多台湾餐厅佢连嘢饮都唔系特别突出，up to 20蚊先得一支葡萄适咁既size，味道仲要饮得出沟咗不少糖水…啲侍应态度恶劣见到有客行入嚟，竟然有都扮睇唔到，做自己嘢，对客人态度都呼呼喝喝，舖头晚餐时段都冇人，静到拍乌蝇，但系都唔会比客人自己拣位坐，见到有个女士自己一个坐角落，我觉得间铺咁吉咁多位，隔开啲人群坐，唔明有咩问题，最后佢俾个侍应阿姐，离远喝佢「坐返过去」…不过啲阿姐自己就好潇洒自在，成班人围坐系一张枱度切生果倾偈讲是非，细声讲大声笑…整体俾人觉得系「此地不宜久留」vibe，唔会再试第二次亦都建议大家唔好俾钱买难受！