影片
更多
2014-02-20
575 浏览
咪睇个标题以为喺食开年饭之类，查实依餐喺生日饭，贺舅仔太太生日 ，咁啱佢生日时近农历新年，又想试吓必胜客嘅新批，既然寿星女出到声，想食乜都喺佢大晒，反正小弟对个新批都颇有兴趣呀！所以，就趁教会活会完咗，未够6:00pm就过咗嚟愉景新城嘅必胜客，唔使等就有位嘞，过多大半个钟，未够7:00pm门口已堆满人晌度等位喇 。愉景新城嘅必胜客晌商场之内，睇佢个铺就知，原先铺位都唔算细，依家占埋商场一角，连其中一个出入口都封埋就佢，面积大咗好多。老实讲，拣铺外嘅商场范围位较铺内好，原因喺开扬，唔局促，加上放置少少盆栽，感觉唔会太冷清了无生气 。虽然我哋请，但就由舅仔发办，话晒佢点都应该知佢老婆口味啩。事先张扬试新批，所以新批「芝士7重奏」喺必然正选，再加两个「半价升级优惠」小食，另叫多一个小食，仲有沙律、意大行面、焗饭，就够晒。 芝士7重奏小龙虾带子批 $189 「芝士7重奏」有两款口味：菠萝烟熏猪肉（普通$143 / 大批$179）及小龙虾带子（$148 / $189），我哋要咗后者，因为佢哋几怕肥猪肉，所以小龙虾带子就稳阵啲。最钟意做到个批好似花形，晌农历年，特别有花开富贵嘅感觉，虽然
愉景新城嘅必胜客晌商场之内，睇佢个铺就知，原先铺位都唔算细，依家占埋商场一角，连其中一个出入口都封埋就佢，面积大咗好多。老实讲，拣铺外嘅商场范围位较铺内好，原因喺开扬，唔局促，加上放置少少盆栽，感觉唔会太冷清了无生气 。
虽然我哋请，但就由舅仔发办，话晒佢点都应该知佢老婆口味啩。事先张扬试新批，所以新批「芝士7重奏」喺必然正选，再加两个「半价升级优惠」小食，另叫多一个小食，仲有沙律、意大行面、焗饭，就够晒。
芝士7重奏小龙虾带子批 $189 「芝士7重奏」有两款口味：菠萝烟熏猪肉（普通$143 / 大批$179）及小龙虾带子（$148 / $189），我哋要咗后者，因为佢哋几怕肥猪肉，所以小龙虾带子就稳阵啲。最钟意做到个批好似花形，晌农历年，特别有花开富贵嘅感觉，虽然小弟唔迷信，「花开」同「富贵」绝对无必然关系，但卖相别致总会令人食得更开心 。
既然叫得芝士7重奏，真喺唔喺浪得虚名，若非餐牌有注明，相信都无乜几个人食得出有边7款芝士嚟，包括：巴马臣芝士、水牛芝士、布旺伦芝士、车打芝士、罗马诺芝士、忌廉芝士及蒙特里杰克芝士 。而且，餐牌仲特意介绍佢哋嘅特点，不过，有啲描述就认真无谓，好似车打芝士，描述如下：「是英国最受欢迎和美国第二大畅销芝士，销量仅次于水牛芝士。」讲完都唔知佢嘅味道同特性。
言归正传，个新批睇落焗得唔错，批面除有小龙虾肉，迷你带子粒，仲有菠萝、青瓜片、黑橄榄，加上脆脆芝心边。7款芝士咪以为放埋晒一齐，食过之后，概略估计批面嘅芝士酱有布旺伦、罗马诺及蒙特里杰克芝士混和（因为有啲芝士都未曾食过，都喺估计），而每件批中心有个波波形芝士，一食就知肯定喺水牛芝士嚟，而糁面嘅喺巴马臣芝士，至于芝心边用上两款芝士，包括车打同忌廉芝士，所以你会睇到「芝心」喺鸳鸯色。材料配搭不俗，一如传统必胜客嘅厚批，厚身而松软，由于集多款芝士于一身，所以芝味无穷，入口香浓 ，怪不得个批嘅另一句口号叫：「滋味添锦绣」 。
凡惠顾必胜批，都可以利用「升级优惠」，以半价点选其中两款指定美食，有小食，有甜品。
鸡捧伴疯薯 $55（原价）/ $27.5（半价优惠）其实即喺炸鸡柳同薯条，伴普通茄酱，一大篮份量著实不少，直身薯条较麦记嘅粗少少，但炸得唔油，亦够甘香；鸡柳有4件，两只手指大细，所以，以原价卖到$55觉得有少少贵，况且，炸鸡柳除咗香脆，亦无咩特别，如果酱汁加点心思、花款，会变得有卖点啲。故此，想食薯条，点「疯薯条配烟肉及蜜糖芥末酱」或「疯薯条配意式肉酱」会更好，比起依个鸡捧伴疯薯更有特色！
葡汁焗蔬菜 $50（原价）/ $25（半价优惠）时蔬有西兰花、椰菜花同甘笋，一向必胜客嘅焗嘢都有板有眼，今次啲蔬菜唔会太腍，几好，最怕过腍一食粉晒咁，只喺稍嫌个葡汁欠椰香，再重啲都无妨。
田园蜜糖鸡翼拼格格薯块 $65舅仔一向都被我哋哦佢成日食埋啲唔健康嘅香口嘢，蜜糖鸡翼就格外开恩啦，一客有6件蜜糖烧鸡翼，烤得金黄，算几香几好食 ；不过，啲格格薯块完全唔得，一啲唔脆，淋晒，绝对喺一早炸好晒嘅货色 。
烟三文鱼杂果沙律 $76以几款沙律菜及杂果沙律垫底，再加少少士多啤梨、蓝莓、车厘茄做装饰，陈铺数大块烟三文鱼，沙律菜爽脆新鲜，烟三文鱼熏香油润，理论上都无得点输，不过，伴自家制蛋黄酱，杰身到不得了 ，都唔知捞落啲沙律菜度，抑或揾啲沙律菜点嚟食好？还是用嚟点烟三文食？真喺唔知佢想点！简单沙律菜揾啲油醋捞捞已OK啦。
千层肉酱阔面 $69晌咁多款意大利面里边，海鲜宽条面及卡邦尼烟肉忌廉浓汁意粉属于小弟心水，不过，依个千层肉酱阔面我都几钟意。一层意大利阔面皮，一层肉酱，层层相间，香浓美味，小弟就特别钟意劲加巴马臣芝士，超浓香！
车打海鲜焗饭 $71饭类方面，都见出咗啲新嘢，不过，依旧拣嚟车打海鲜焗饭，但今次个焗饭做得比较低水准，死因一喺海鲜料好少，死因二喺个法式车打芝士白汁好淡口 ，跟一般白汁差唔多，何来芝士味。
虽然外间都开咗唔少高水准嘅薄饼店，但都仲仍会帮衬必胜客，除咗价钱尚算实惠外，主因都喺佢不时出啲新款薄饼，次次都鬼马有心思 ，未必款款又夹又好食，但总会有不时惊喜！
张贴
