芽籠

营业中

休息中

餐厅：芽笼地点：湾仔道菜式：新加坡菜餐牌：下午茶餐由两点做到六点，8款主食选择，都有轻食拣，包饮品三选一，无加一。海南鸡配鸡油香饭及紫菜鱼丸汤  $56海南鸡鸡件大概有12件左右，有脾有胸有单骨鸡翼，冻冻地，质素唔错，皮滑肉嫰。配有海南鸡三色酱，分别有甜豉油，姜蓉同酸辣酱。伴有青瓜三件。鸡油香饭热辣辣大大碗。紫菜鱼丸汤非常热，入面有一粒鱼蛋同紫菜加葱花。个汤稍咸，好香紫菜味。鱼丸鱼条喇沙掺掺 $48我同友人都想食喇沙，于是每人一碗，鱼丸鱼条喇沙掺掺热辣辣上枱，个喇沙汤又香又滑，梛汁又够，辣度刚好。面底系黄色粗面加幼身粉丝，前者有咬口后者幼滑吸汁，加埋系好正嘅口感。配料有炸鱼蛋几条幼条同炸鱼蛋三粒，虽然炸鱼蛋细细粒，不过食落都唔差，够弹牙。豆卜4件，好吸汁。糖心蛋半只，个心好滑。仲有爽口芽菜，青瓜丝同脆脆加添口感。咖哩烤鸡肉串配米饭 $46烤鸡肉串3串，都算嫩，配黄咖哩汁好惹味，我觉得唔辣，味道微微甜，好正。伴有半粒车厘茄，青瓜几块，花生米同脆口鱼仔，更可加添口感。伴有一大块香脆虾片。白饭份量系正餐份量。餐饮包括手工拉茶，南洋白咖啡同香茅红茶，冷热都得。手工拉茶大大杯。我地叫左少甜，又香