芽籠

营业中

休息中

餐厅：芽笼地点：湾仔道菜式：新加坡菜餐牌：下午茶餐由两点做到六点，8款选择，有主食有轻食拣，包饮品三选一，无加一。海南鸡配鸡油香饭及紫菜鱼丸汤 $58海南鸡鸡件有十几件，有脾有胸有单骨鸡翼，质素唔错，皮滑肉嫰，颇有鸡味。配有三色酱，分别有甜豉油，姜蓉同酸辣酱，自己调味。伴有青瓜几件可解腻。鸡油香饭热辣辣大大碗。紫菜鱼丸汤入面有一粒鱼蛋同紫菜加葱花。个汤味道唔错。咖哩烤鸡肉串配米饭 $48烤鸡肉串3串，烧得少少脆皮，好香口，配黄咖哩汁更惹味，我觉得唔辣。伴有半粒车厘茄，青瓜几块，花生米同脆口鱼仔，加添口感。伴有一大块香脆虾片。白饭份量系正餐份量。怡保芽菜 $36怡保芽菜系主餐牌，热辣辣上枱，芽菜份量比想象中多，面头加上葱花同脆碎，味道唔错，捞埋个参峇酱微微辣，好惹味。餐饮包括手工拉茶，南洋白咖啡同香茅红茶。冻饮加$3。香茅红茶有大大支香茅，茶香唔错，唔甜。手工拉茶叫左少甜，味道都唔错，微微甜，质感都好滑。总括而言，茶餐份量似正餐，不过价钱平好多，仲包野饮，食物质素都好高。唔怪得平日下午茶时间都满座。