混亂拉麵 (已結業)

(长文慎入)见有唔少劣评，但我同事又好似好钟意，我决定自己试一次，睇吓系咩料。一入到去，觉得好特别，同香港大部份拉面店唔同，装修raw得嚟几日本。坐喺啲煮面师傅前嘅"bar枱"位等拉面，见佢有个细磅用嚟磅面嘅份量好认真。第一次来，我决定拣两倍野菜，唔要背脂，正常大蒜嘅玉子拉面。原来啲面系由煮面师傅直接俾我嘅，有个银色"梯"碟托底，都几搞笑㖞，但我好钟意佢亲手递俾客人𠮶吓。讲返碗面，哗，好大碗呀！两倍野菜已劲大兜，野菜系略为炒过嘅芽菜同椰菜，正是本人最钟意嘅其中两种菜。心谂今次发达啦咁多实饱，因为我当时好肚饿。首先饮啖汤，冇背脂一啲唔肥又唔会浓夹杰，几啱我口味。我拣中太面都够粗够咬口，食吓只蛋，竟然好好味，系我近日食3间深水埗拉面最好味嘅，佢应该加咗啲自家制味落去，唔知点讲，总之有惊喜。只可讲句，呢间拉面一定唔系人人都钟意，因为我觉得佢卖点系芽菜，唔加嘅话，会嫌佢两块叉烧太细。对于芽菜控同粗面控，呢度一定系天堂，我食咗几啖，已觉得好开心好抵一定要翻炒呢间店。简直想一面食一面写食评🤣仲有，好钟意佢放好多樽水俾人自己serve自己，成间嘢嘅感觉系轻松古怪，好特别真系有啲混乱，系一间特色但唔系