影片
更多
2017-06-15
756 浏览
老公平时好少食海鲜，所以今年生日特别拣左海鲜餐贺下佢，点知遇著8号风球，初初仲担心餐厅唔开，打电话去问，好开心，餐厅照常营业！我地拣左首尔塔，＄398/位，超丰富海鲜，有鲍鱼、蛏子、海虾、元贝、刀蚌、象拔蚌，北寄贝、大花蛤、仲有花蟹同龙趸，老公话今餐已经食晒一年海鲜quota！哈哈！粥底拣左经理推介嘅韩式猪手汤！佢话好多客都赞呢个猪手汤好食！首先出场嘅系韩国四色前菜，个泡菜好好味，够酸而且辣度啱啱好，蕃石榴都开胃！我不停系咁食食食！韩式嘅海鲜塔全部都系清蒸，同中式海鲜会加好多蒜蓉粉丝一齐蒸好唔一样，所以韩式嘅食材一定要好新鲜，稍为唔够新鲜就真系一啖见真章，呢度嘅海鲜食材就very good喇，全部都好鲜味，基本上完全唔需要酱料去调味！第一层嘅蛏子同象拔蚌系我至爱，好大只，仲好爽脆弹牙，有粒车厘茄又可以refresh下味蕾再继续！由于店员话我地每层大概有5分钟食用时间，keep住呢个pace去食就唔会令到其他层数嘅海鲜蒸得太耐影响口感，我地都初初都乖乖地用枱上面个漏斗计时，不过食下食下，我地发现我地清得太快，根本唔会过时！哈哈！元贝都系我平时好钟意嘅海鲜，今次较啱时间蒸得刚刚好，口感十足
我地拣左首尔塔，＄398/位，超丰富海鲜，有鲍鱼、蛏子、海虾、元贝、刀蚌、象拔蚌，北寄贝、大花蛤、仲有花蟹同龙趸，老公话今餐已经食晒一年海鲜quota！哈哈！
粥底拣左经理推介嘅韩式猪手汤！佢话好多客都赞呢个猪手汤好食！
首先出场嘅系韩国四色前菜，个泡菜好好味，够酸而且辣度啱啱好，蕃石榴都开胃！我不停系咁食食食！
韩式嘅海鲜塔全部都系清蒸，同中式海鲜会加好多蒜蓉粉丝一齐蒸好唔一样，所以韩式嘅食材一定要好新鲜，稍为唔够新鲜就真系一啖见真章，呢度嘅海鲜食材就very good喇，全部都好鲜味，基本上完全唔需要酱料去调味！
第一层嘅蛏子同象拔蚌系我至爱，好大只，仲好爽脆弹牙，有粒车厘茄又可以refresh下味蕾再继续！由于店员话我地每层大概有5分钟食用时间，keep住呢个pace去食就唔会令到其他层数嘅海鲜蒸得太耐影响口感，我地都初初都乖乖地用枱上面个漏斗计时，不过食下食下，我地发现我地清得太快，根本唔会过时！哈哈！
象拔蚌、蛏子
32 浏览
0 赞好
0 留言
元贝都系我平时好钟意嘅海鲜，今次较啱时间蒸得刚刚好，口感十足，爽滑！
元贝
53 浏览
0 赞好
0 留言
之后嘅海虾、刀蚌、花蛤、鲍鱼都无失色，贝壳类全部都处理得好，一粒沙都无食到！好欣赏每层都会有啲蔬果类嘅配菜清下舌头，而且啲配菜一啲都唔马虎，当中个木瓜我比较印象深，蒸完好甜好好味，老公就大赞南瓜同蕃薯够晒甜！
由于老公唔食蟹，只花蟹就成为我囊中物，蟹膏够香，蟹钳仲啖啖肉，蟹肉一啲都唔梅！
食到最后其实已经好饱，谂到仲有个粥未食，不其然有少少腻嘅感觉，点知一试又停唔到口，个粥底好好味，好鲜味，海鲜嘅精华完全融合左落个粥度，而且个猪手好入味，我平时好抗拒食猪手，因为好唔钟意果层皮，但系呢个猪手我都忍唔到口食左几旧，估唔到今次最大收获系个粥底，比起我之前食蒸气火锅个粥底真系差好远，呢个真系好好味好鲜甜！
韩式猪手汤粥底
43 浏览
0 赞好
0 留言
最后经理仲话打风我地都去帮衬请我地食雪糕！又一个意外收获！
张贴
