ASAP As Simple As Possible

营业中

休息中

今日系公司超忙碌地工作，谂起唔知几点先收得工。最后决定对自己好啲。叫个丰富啲嘅晚餐。同事提议不如叫ASAP,自己又未试过。咁就试吓啦。佢餐牌嘅种类唔算10分多。大概分咗汉堡包意粉同饭既然一路做嘢一路食嘅， 咁就叫个方便啲可以一路拎住黎食一路可以做嘢嘅食物。最后叫咗安格斯牛肉芝士蘑菇汉堡。跟餐有薯条，另外亦都可以点配沙律/粟米汤/黑松露忌廉野菌汤。我最后点左沙律。饮品方面，我点左冻即磨炭烧咖啡。等咗大约30分钟到就送到。先讲汉堡包，牛肉味唔算浓，芝士份量都唔算太多。但系成个包嘅配料都非常丰富。薯条味道正常， 但份量就比较少。沙律配埋个醋嚟食，劲开胃。而我自己最满意嘅就系杯咖啡，咖啡味超浓，而且佢有糖水另上。而我自己就唔太好甜嘅，所以分开糖水上呢个举动十分之贴心。整体来讲成个餐都OK嘅。下次有机会会试埋佢嘅意粉或者饭。