影片
更多
2021-05-08
2010 浏览
上次由西贡，行经茅坪、竹林隧道、西贡藤皇至马鞍山大水坑嘅「富安花园」，喺探路嚟，今回就正式带朋友行一转，因为同行有啲唔多行山嘅朋友，怕行错路累佢哋行多好多冤枉路。到达「富安花园」后，正正食晏时间，上次试咗「裕发小厨」，今次就试「新金富」，茶记平靓正，一向喺小弟填肚首选。 其实，严格嚟讲，「新金富」唔算喺间茶记，应该定位为小型嘅中菜馆，入到里面，跟茶记较明显嘅分别，主要喺以细圆格为主，眼见就无乜卡位喇。环境算企理嘅，防疫意识，就一般般啦，我哋拣咗个角落位，感觉安心少少。 食物方面，就以碟头饭为主，以及一啲经济客饭；晚市嘅话，就喺小炒呀、煲仔呀、汤羹呀之类，定价都大众化，始终开得晌呢度，主要都喺做街坊生意。此外，有别一般茶记，睇均啲餐牌，都唔多见啲乜乜常餐，乜乜快餐，不过，午市就有提供啲精选午餐，定价$47，包例汤、包嘢饮，当然喺较多人嘅选择。 粉葛煲猪骨虽然喺例汤，但都算无欺场，饮落够火喉，更唔会「淡茂茂」，仲好大碗添，完全收货啦。 炒贵刁5款午餐，当然喺炒贵刁考功夫啲啦，除咗街坊客，亦有唔少工友帮衬，所以，碟头都大份啲。此外，够晒料多，包括虾仁、火腿、银芽、韮黄……等等，面面仲糁啲白芝
其实，严格嚟讲，「新金富」唔算喺间茶记，应该定位为小型嘅中菜馆，入到里面，跟茶记较明显嘅分别，主要喺以细圆格为主，眼见就无乜卡位喇。环境算企理嘅，防疫意识，就一般般啦，我哋拣咗个角落位，感觉安心少少。
食物方面，就以碟头饭为主，以及一啲经济客饭；晚市嘅话，就喺小炒呀、煲仔呀、汤羹呀之类，定价都大众化，始终开得晌呢度，主要都喺做街坊生意。
此外，有别一般茶记，睇均啲餐牌，都唔多见啲乜乜常餐，乜乜快餐，不过，午市就有提供啲精选午餐，定价$47，包例汤、包嘢饮，当然喺较多人嘅选择。
粉葛煲猪骨虽然喺例汤，但都算无欺场，饮落够火喉，更唔会「淡茂茂」，仲好大碗添，完全收货啦。
炒贵刁5款午餐，当然喺炒贵刁考功夫啲啦，除咗街坊客，亦有唔少工友帮衬，所以，碟头都大份啲。此外，够晒料多，包括虾仁、火腿、银芽、韮黄……等等，面面仲糁啲白芝麻，够晒诚意啦。食落，河粉唔算好油，睇我清晒成碟之后，碟底唔会一滩油就知啦，而炒功亦唔错，啲河粉唔会黐埋一嚿嚿，渗出阵阵咖喱香。
热奶茶虽然行到有少少身水身汗，但我都喺喜欢叹番杯热奶茶。佢哋嘅奶茶真喺唔错，茶底颇为醇厚幽香，饮落有回甘，只喺稍嫌奶多咗少少而已。
今次做咗标题党，其实今次条路线本身唔难行（仲喺短期内行第二次添），加上天气仲喺凉凉哋，所以，行完当然唔觉攰。而食完餐满意嘅「晏仔」，就更自不然活力充沛。当然，对有啲少行山，平时又唔多运动嘅人嚟谓，上上落落几个钟都已经有少少甘，苦尽甘来可能都未有太夸张，但最紧要，都喺大家行得开心，食得称心！
张贴
