影片
更多
2017-12-22
510 浏览
唔少香港人都钟意怀旧吓，所以，造就咗一啲伪怀旧冰室，即喺新餐厅，但设计得带怀旧味道，「金记冰室」喺其中一家。但佢嘅西环「老店」其实小弟未去过，只喺去过其湾仔店，眨吓眼原来仲晌唔同区域开咗好多分店添，算有啲成绩。apm有个星战展，顺便晌度揾埋食。上面都讲开「金记」喺扮怀旧，但apm分店就好唔同，装修上同翠华、翠河、太兴……一类新派茶记差唔多，比较摩登，并无加入旧怀元素。虽然门面有唔少人等位，但始终喺茶记，人流快上快落。主餐牌好大本，菜式选择极多，但就唔再喺「乒乓波拍」本搞嘢餐牌喇，不过，打开第一版，照旧喺金记嘅历史介绍，元祖店实质开晌筲箕湾，仲有半世纪之长。因为都喺同朋友嚟填肚，就无细心研究餐牌太多，只喺偶然睇到有版创意菜式，由于得意得嚟又几吸引，所以，就拣咗特色鸡饭。而主餐厅内嘅单点菜式，都可以加$25 / $28转套餐。如果想简单啲，直接瞄瞄晚市套餐，共9款选择，都喺卖$68、$78，全日无加一，包是日餐汤及热饮，定价唔贵。除咗地方整洁光猛，亦见其他细节位企理，好似打开枱下柜桶，餐具充足亦排列整齐，枱上嘅调味架，唔会污污糟糟。炸鸡块（套餐）拣咗加$28有小食嘅套餐加配，小食原来喺炸鸡
上面都讲开「金记」喺扮怀旧，但apm分店就好唔同，装修上同翠华、翠河、太兴……一类新派茶记差唔多，比较摩登，并无加入旧怀元素。虽然门面有唔少人等位，但始终喺茶记，人流快上快落。
主餐牌好大本，菜式选择极多，但就唔再喺「乒乓波拍」本搞嘢餐牌喇，不过，打开第一版，照旧喺金记嘅历史介绍，元祖店实质开晌筲箕湾，仲有半世纪之长。
因为都喺同朋友嚟填肚，就无细心研究餐牌太多，只喺偶然睇到有版创意菜式，由于得意得嚟又几吸引，所以，就拣咗特色鸡饭。
而主餐厅内嘅单点菜式，都可以加$25 / $28转套餐。
如果想简单啲，直接瞄瞄晚市套餐，共9款选择，都喺卖$68、$78，全日无加一，包是日餐汤及热饮，定价唔贵。
除咗地方整洁光猛，亦见其他细节位企理，好似打开枱下柜桶，餐具充足亦排列整齐，枱上嘅调味架，唔会污污糟糟。
炸鸡块（套餐）拣咗加$28有小食嘅套餐加配，小食原来喺炸鸡宝，细细兜，炸得唔算好干，味道不过不失咁啦。
罗宋汤（套餐）老友夏总要西汤，佢话个汤好浓郁，够晒味，带点辣劲，好过翠华啲货色㖞。
合掌瓜煲瘦肉（套餐）小弟就试个中汤，味道虽然饮落比较淡薄，但感觉喺无味精出品。
芭堤亚式烧䲝鱼 $78对于「芭堤亚」，我理解就喺干烧，主要喺配上带泰式风味嘅酸汁，的确个酸汁令啲鱼食起嚟更特色；而条䲝鱼呎码都几大件头，外皮煎得极脆口，肉质唔喺嫩滑𠮶种，喺实肉而有鱼味嘅感觉。
炉烧原只嚤啰鸡饭 $98以小煎镬配原只烧鸡上，而只烧鸡份量唔少嘢，切开仲酿咗好多饭，不过，今晚两个死佬，绝对喺够食力KO埋只鸡。单用刀叉食好难搞，所以，附上胶手套，而只鸡烧得香口，肉质唔错，无话「嚡烚烚」，鸡内喺咖喱饭底，超正，而鸡下仲有好多咖喱汁，好彩道䲝鱼有配饭，一于捞埋啲咖喱汁食，唔使嘥。
蜂蜜柠檬沙冰 +$13、冻柠茶 +$3贪过瘾点咗杯沙冰，打得几滑，唔喺好重冰粒感，以柠味为主，蜂蜜味则比较隐若啲。夏总话佢杯柠茶有水准，茶底够香，柠檬够多，无涩味。
同夏总最多话题就喺讲波，其次就喺旅行，讲讲吓又讲番吹咗成年嘅2020年初北欧极光之旅，吹住先，唔知成唔成事，因为成本高吖嘛！唔喺嚟茶记食餐饭，百零二百蚊落楼咁简单嘅事啊。
张贴
