影片
更多
2019-11-27
272 浏览
近排社會氣氛熾熱， 放低工作上嘅包袱之後， 最好就係搵一間心儀嘅餐廳酒吧同朋友傾下偈， 品嚐一下美食， 調劑一下心情。呢一間位於中環都爹利街嘅《Foxglove 》， 係一間高級而且具品味嘅酒吧以及中菜館， 由裝修到擺設， 都經過精心嘅設計， 只要踏足過， 就必定會發現有驚喜。餐廳嘅外圍裝修以英國百年經典雨傘品牌Fox umbrella 作為設計藍本， 櫥窗裏面放有各式各樣金光閃耀嘅雨傘， 非常具特色。要進入餐廳需要考考智慧， 要尋找出機關先可以順利開門， 極具gimmick。進入餐廳感覺就如踏上郵輪頭等艙， 輕快跳躍嘅音樂， 令人頓時心情開朗。到咗happy hour嘅時段更係坐滿客人，Foxglove是香港知名明發樓Ming Fat House的第二間主題概念酒吧， 提供咗各式各樣經典嘅cocktail，味覺享受之餘， 打卡更是一流。酒吧配以粵菜呢個概念比較新穎， 餐廳推出咗tasting menu， 由前菜主菜到甜品都精心策劃。第一道前菜《麻辣牛展》， 薄切嘅牛腱食起嚟更加爽嫩， 配上四川嘅麻辣醬汁，集麻、辣、香於一身。 麻辣感覺於口腔內徘徊， 作為前菜， 卻不失霸氣。第二度前菜
呢一間位於中環都爹利街嘅《Foxglove 》， 係一間高級而且具品味嘅酒吧以及中菜館， 由裝修到擺設， 都經過精心嘅設計， 只要踏足過， 就必定會發現有驚喜。
餐廳嘅外圍裝修以英國百年經典雨傘品牌Fox umbrella 作為設計藍本， 櫥窗裏面放有各式各樣金光閃耀嘅雨傘， 非常具特色。
要進入餐廳需要考考智慧， 要尋找出機關先可以順利開門， 極具gimmick。
進入餐廳感覺就如踏上郵輪頭等艙， 輕快跳躍嘅音樂， 令人頓時心情開朗。
到咗happy hour嘅時段更係坐滿客人，Foxglove是香港知名明發樓Ming Fat House的第二間主題概念酒吧， 提供咗各式各樣經典嘅cocktail，味覺享受之餘， 打卡更是一流。
酒吧配以粵菜呢個概念比較新穎， 餐廳推出咗tasting menu， 由前菜主菜到甜品都精心策劃。
第一道前菜《麻辣牛展》， 薄切嘅牛腱食起嚟更加爽嫩， 配上四川嘅麻辣醬汁，集麻、辣、香於一身。 麻辣感覺於口腔內徘徊， 作為前菜， 卻不失霸氣。
第二度前菜 《陳醋燒香菇》， 香菇撲上薄薄嘅粉漿炸到金黃香脆， 食起來外脆內軟， 加上陳醋， 食起來酸酸甜甜，感覺有點似素肉，令人份外開胃。
呢一個燉湯名為 《礦泉水松茸竹笙燉雙蓮》 雙蓮係指雪蓮子同埋蓮子，雪蓮子含有豐富植物骨膠原，有植物燕窩之稱， 食起嚟除咗養顏之外， 口感亦滑捋捋。 至於蓮子就有清心健脾作用， 湯頭清澈，裏面滲出陣陣松茸清香， 係一道非常滋潤嘅食療湯水。
期待已久嘅一道主菜 《花雕粉絲蒸阿拉斯加蟹肉》， 阿拉斯加蟹意體型龐大見稱， 蟹腳非常粗壯， 一梳梳嘅蟹肉非常嫩滑， 味道鮮甜， 帶有少少海水鹹味， 非常之新鮮， 加入咗中式嘅花雕黎蒸， 更能帶出嗰份鮮味， 絕對令人一試難忘。
另一道主菜《蘇香惹味豆豉雞》 ，芋泥雞入面加入咗紫蘇葉同豆豉嚟調味， 紫蘇葉香氣突出， 豆豉惹味， 酥炸過後亦唔會有絲毫油膩感。
最後一道主菜《素蟹粉炒蛋白》， 味道較為清淡， 素蟹粉像真度十足，原來係由南瓜蓉所製成， 雖然冇蟹粉嘅獨特香氣， 但食起嚟更加健康。
最後嘅一道甜品非常有驚喜《黃金脆奶卷、玫瑰棗蓉糕、狀元湯圓》 脆奶卷熱辣辣， 裏面嘅牛奶餡料濃香。 玫瑰棗蓉味道清甜， 咬落煙韌。 至於狀元湯圓芝麻餡流心，和金黃嘅外皮形成強烈對比。
呢一間《Foxglove》仲有一間VVIP 秘密房間， 當然進入亦要經過關卡，可供人客包場。
呢一間餐廳機關處處， 令人充滿驚喜， 大家如果有興趣， 一定要嚟體驗一下， 必定能勾起大家無窮嘅好奇心。
张贴
