Soul9+ (已結業)

为预早庆祝朋友既生日，我地去左一间北角都几出名既英伦风情餐厅。会唔会太有气氛，浪漫气氛逼人，好似同朋友有点太浪漫。里面有好多黑白照，一睇就知老板系个龙友。我最钟意既系里面有英国伦敦既经典电话亭，个装潢真系赏心悦目。餐厅有靓红酒，$75 一杯，同朋友叫左杯西班牙既红酒，好易入口。主菜升级套餐$45 蚊，多个沙律同餐汤，是日系南瓜汤，口感丰富，冇偷工减料。 沙律都唔错，生菜搭麻酱系我飞佛。但里面既芝士有点难入口。芝士炸鸡翼都几大份，外脆内软多肉汁，食落仲有淡淡既芝士味。不过始终觉得有d酱会好味d呢个系一碟十分有创意既fusion菜式，无谂过risotto 可以同海胆同蟹膏一齐食。 一块紫菜摆点饭，海胆同蟹膏，一齐摆落口，全部东西既味道会系个口交融。个risotto 分开尼食都好好味，有点忌廉同洋葱香。本身冇expect 太多既牛扒（因为香港餐厅既牛扒通常都唔好味），神奇地嫩口，又有阵阵牛肉香味。另一样非常贴心既野系，侍应会帮我地换碟，换一套菜式都会帮我地换一换。食到最后，7 点几8 点餐厅已经满座了，早少少既话就唔洗等咁奈，比大家做个参考。