Mr Simms Olde Sweet Shoppe (已結業)

今日同友人食放题前，顺便到呢间糖果店朝圣一下。店铺都算近地铁站，亦唔难揾，不过规模有啲细，有瑟缩一角嘅感觉。最后买左三样：左边个袋系mix bon bons, 中间系红桑莓味朱古力，右边系飞碟糖。Mix bon bons（$75）：买左250g,每100g 30蚊。口感似食紧香口胶，但佢系可以吞嘅软糖。表面有层薄粉，应该系避免放耐左同其他糖痴埋一旧（因为我拎返屋企已经有几粒痴住）但我唔太钟意粉嘅味（有少少似话梅味）有几种味道选择，整体几得意，每食一粒感觉可以嚼好耐，可以买离试下。红桑莓朱古力（$40,原价$50）：因为碎左少少，所以平10蚊。我几钟意呢只朱古力，唔会死甜，加上有我钟意嘅莓，有清新感觉。重点系佢可以完美分开每一小格朱古力，好爽飞碟糖（$28）：呢个完全同我想像中味道一致。外皮似糯米，烟韧嘅脆皮。入面酸粉系颗粒状。佢比我嘅感觉似杂货店嘅小食多过英国传统糖果，好怀旧。值得一提，店员好细心，见你拎住几样货，会即刻比篮你装。回答问题亦有耐心，有讲有笑，感觉亲切虽然普遍糖果都比市面贵，不过黎得专门店都预左，间唔中一次都接受到嘅。所以我迟下口痕应该都会再帮衬，哈哈。