M&S Café (太古城中心)

营业中

休息中

一直都知道马莎开咗一间专属嘅M & S Cafe，佢嘅形式有啲似星巴克，可以买一啲咖啡同埋面包蛋糕慢慢叹。而且知道马莎嘅食物有所保证，一般都唔会加有害嘅物质，今日终于有机会一试。我同朋友每人叫咗个套餐，里面都几丰富，有饱肚嘅意大利粉，或者冇咁饱肚嘅炸鱼薯条。叫咗个焗千层面同英式吉列鳕鱼柳，佢哋分别都可以跟一个汤，我就拣咗一个南瓜汤同同埋忌廉芦笋汤，发现芦笋汤个味道并唔系我想像中咁样，可能佢完全冇加添加剂，所以净系食到芦笋最原本嘅味道。而南瓜汤饮落去好软绵绵，橙色的外表，南瓜好友汤好浓郁！千层面嚟嘅时候仲热辣辣，个盘仲系滚的，热到起泡。另外，每个套餐仲可以跟杯嘢饮，包括佢哋自家出品嘅热姜茶同甘菊茶，茶几碟附上饼干，具有英伦风味。最后自选蛋糕，拣左个咖啡合桃蛋糕，蛋糕香喷喷而且好大件，唔似平时食到嘅一般的样式。下次去消磨时间，都可以考虑去玛莎嘅咖啡室，真的不错。