影片
更多
2016-11-20
1437 浏览
假日游西贡，除左海鲜，特别想食西餐嘅~沿住海旁行，见到呢间餐厅，一睇到个名--- Camden Town同英国underground嘅标志, 喺英国读书𠮶几年啲回忆即刻浮晒出来， 好怀念啊~呢间餐厅出名fish n' chips, 某旅游杂志都介绍过架，于是一试~餐厅本身座位有限，门口有帐篷加设枱櫈，不过食客都系源源不绝枱接枱，所以都要有心理准备等位需一定时间，加上楼面得两位店员，你会见佢地忙到你都唔好意思催佢地，所以等食，都要耐心啲，而餐厅都好均真咁写明食物要时间烹调，起码要等30分钟，要食就唔好催。今日虽然唔热，但是始终未到冬天，老板好贴心咁喺每张枱后面加设座地风扇缓缓地吹风，令大家食住炸野都唔会觉得好热。招牌菜，炸鱼薯条，有大份（三件鱼）同细份（两件鱼）任君选择。新鲜热辣~外层香脆，炸浆不会过厚，跟鱼柳肉紧贴唔甩壳，唔会皮肉分开，好好味。鱼柳肉味丰富，肉质滑溜好新鲜又唔腥，感觉唔系用frozen fillet.薯条系厚实形，虽然唔系我杯茶但系都好新鲜。最正系有香港少人用嘅salt and vinegar, 呢个配搭都系去左英国读书先知， 好英国啊～芝士焗大啡菇大啡菇+芝士+烟肉粒
沿住海旁行，见到呢间餐厅，一睇到个名--- Camden Town同英国underground嘅标志, 喺英国读书𠮶几年啲回忆即刻浮晒出来， 好怀念啊~
呢间餐厅出名fish n' chips, 某旅游杂志都介绍过架，于是一试~
餐厅本身座位有限，门口有帐篷加设枱櫈，不过食客都系源源不绝枱接枱，所以都要有心理准备等位需一定时间，加上楼面得两位店员，你会见佢地忙到你都唔好意思催佢地，所以等食，都要耐心啲，而餐厅都好均真咁写明食物要时间烹调，起码要等30分钟，要食就唔好催。
今日虽然唔热，但是始终未到冬天，老板好贴心咁喺每张枱后面加设座地风扇缓缓地吹风，令大家食住炸野都唔会觉得好热。
招牌菜，炸鱼薯条，有大份（三件鱼）同细份（两件鱼）任君选择。新鲜热辣~外层香脆，炸浆不会过厚，跟鱼柳肉紧贴唔甩壳，唔会皮肉分开，好好味。鱼柳肉味丰富，肉质滑溜好新鲜又唔腥，感觉唔系用frozen fillet.薯条系厚实形，虽然唔系我杯茶但系都好新鲜。最正系有香港少人用嘅salt and vinegar, 呢个配搭都系去左英国读书先知， 好英国啊～
芝士焗大啡菇大啡菇+芝士+烟肉粒， 根本就系无敌，仲要热辣辣喺焗炉拎出来，唔会唔好食啦～要赞嘅系，餐厅懂得隐恶扬善，保留到大菇嘅菌香和水份但唔会过湿，亦没有菇菌嘅草腥味，适量配搭芝士烟肉，味道不会过咸，赞啊
黑松露白汁野菌意粉扁意粉配搭白汁杂菌，口感一流，加入黑松露酱散发独有香味，只系略嫌过于辛辣，唔知系咪一时重手落多左pepper呢？
总体算唔错，坐门外仲可以带埋狗仔一齐来添架
张贴
