影片
更多
2023-01-02
161 浏览
圣诞假期同朋友喺铜锣湾食饭，我哋行经耀华街见到有间好好节日气氛嘅餐厅🎄，叫「The Chippy」。再望餐牌，发现原来系食英式炸鱼薯条Fish & Chips。店舖木系嘅装潢满有英伦风格🇬🇧，四周围贴满海报，整体感觉舒服又好Chill。同时，门口开得大，冬天有生风吹入嚟好通爽，唔焗促。餐厅主打英式食物，入口唔少英国地道品牌嘅食品同饮品。虽然部份产品唔系自家制作，但至少专卖呢类菜式嘅餐厅喺香港唔多🇭🇰，几有特色。炸鳕鱼薯条12oz(招牌)($198)，你无睇错，🐟炸鱼超大条，我无磅喺手所以佢足唔足12安士我就唔知，但就肯定长超过12吋，同我手臂有得挥💪。炸皮记得要衬热食🔥，佢算薄身，食落微微脆，唔油腻。炸鱼用上鳕鱼Cod Fish，鱼肉肉质几有弹性，而且亦算嫩滑，最重要系够厚肉，大大啖肉，咁先至有满足感。🍟搭配嘅系手切粗薯块，薯肉好绵，份量多到食唔晒。炸鱼薯条跟配三色酱🚦，左至右分别系青豆酱Mushy Peas、咖哩酱Curry Sauce同牛肉酱Gravy Sauce。三款之中咖哩最惹味，一啲都唔辣，似日式沟印度风🥘。我平日唔食青豆，不过变咗蓉又唔错㖞，就咁食好过沾鱼食。牛肉酱貌似红豆
圣诞假期同朋友喺铜锣湾食饭，我哋行经耀华街见到有间好好节日气氛嘅餐厅🎄，叫「The Chippy」。再望餐牌，发现原来系食英式炸鱼薯条Fish & Chips。
店舖木系嘅装潢满有英伦风格🇬🇧，四周围贴满海报，整体感觉舒服又好Chill。同时，门口开得大，冬天有生风吹入嚟好通爽，唔焗促。
餐厅主打英式食物，入口唔少英国地道品牌嘅食品同饮品。虽然部份产品唔系自家制作，但至少专卖呢类菜式嘅餐厅喺香港唔多🇭🇰，几有特色。
炸鳕鱼薯条
$198
26 浏览
1 赞好
0 留言
炸鳕鱼薯条12oz(招牌)($198)，你无睇错，🐟炸鱼超大条，我无磅喺手所以佢足唔足12安士我就唔知，但就肯定长超过12吋，同我手臂有得挥💪。炸皮记得要衬热食🔥，佢算薄身，食落微微脆，唔油腻。炸鱼用上鳕鱼Cod Fish，鱼肉肉质几有弹性，而且亦算嫩滑，最重要系够厚肉，大大啖肉，咁先至有满足感。🍟搭配嘅系手切粗薯块，薯肉好绵，份量多到食唔晒。
炸鱼薯条跟配三色酱🚦，左至右分别系青豆酱Mushy Peas、咖哩酱Curry Sauce同牛肉酱Gravy Sauce。三款之中咖哩最惹味，一啲都唔辣，似日式沟印度风🥘。我平日唔食青豆，不过变咗蓉又唔错㖞，就咁食好过沾鱼食。牛肉酱貌似红豆酱，但味道比想像中淡。
炸热狗肠(12吋)($48)，珍宝香肠好大条🌭，外层同样包住炸浆，质感稍为硬啲，但都脆。入面嘅香肠系猪肉肠🐷，口感弹牙，富咸香。炸热狗肠用纸皮包住，食用方便。
鸡肉磨菇批($78)，餐厅选用英国牌子嘅肉批Pukka Pie🥧。肉批焗起松化挺身，酥皮具牛油香，切开后肉馅一涌而出，入面系忌廉磨菇鸡肉🐔，食落都OK，几Creamy，而且系似曾熟悉嘅味道(罐头汤？)。
小黄瓜
$15
13 浏览
0 赞好
0 留言
饮品方面，店员推介试吓英国汽水🥤，斋睇餐牌我完全无概念系乜味，有见及此，佢好好人拎晒出嚟俾我拣🤣。我哋要咗BEN SHAWS嘅Bitter Shandy以及Dandelion & Burdock，每罐$55，有啲贵🙈，但当试新嘢。前者有啲似柠茶沟啤酒🍻，有0.5%酒精；而另一款味道几独特，系蒲公英加牛蒡味，但我饮唔出，哈哈。
啱啱过咗世界杯🏆⚽️，再一次见到1966年英格兰嘅胜利海报，就谂起暂时仲未Coming Home……🏴。另外，仲有老板嘅珍藏：碧咸亲笔签名波衫。
总括嚟讲，难得喺香港食到英式正宗炸鱼薯条，味道不俗，情怀十足👍，感觉坚系有啲似喺英国嘅酒吧，过咗一个愉快嘅晚上。
张贴
