Fryers (已結業)

今日经过尖东，见到有间蓝色布置而且装修精致嘅英式外卖店叫Fryers。被吸引之下去试下lunch。第一时间order左fish & chips，因为从小至今都钟意食，仲有叫咗香草大虾意粉，汤亦不能错过，有洋葱汤及杂菌忌廉汤。Fish & Chips果然冇令我失望，鱼柳超超超大块，最紧要系外脆内软，表层炸皮薄又香脆，完全吾油腻，入面嘅鱼系厚肉而且鲜嫩，绝对系招牌菜。香草大虾意粉嘅大虾够弹牙又够QQ，好有海虾味道，有4大只，抵食，意粉啱熟冇过腍，而且伴上香草，俾人一种清新感觉。洋葱汤好浓沃及加上少少黑椒吊味，冬天饮绝对一流。杂菌忌廉汤够creamy,材料又多，好重菌味。