影片
更多
2016-05-28
342 浏览
嚟机场唔喺出门去旅行，就一喺送机，一喺接机，仲有就当然喺晌机场或周边工作嘅人。机场抵港层，食肆多的是，有翡翠拉面小笼包、太兴、Délifrance、星巴克、麦记……等等，唔止抵港嘅人会食，有时离港嘅人都会趁有时间会晌度食个早餐、午餐或晚餐先登机，所以，好几间食店长期都咁旺。今次光顾嘅何洪记都唔例外，虽然喺下午茶时段，都算喺一枱人食完离开，又接一枱新客，香港机场始终喺个颇繁忙嘅航空枢纽，每日人流不绝，客流量不成问题，所以，只要餐厅做嘅食物好就真喺生意唔忧做。比起年初光顾过铜锣湾何洪记，依间何洪记晌装修上就平实朴素好多，卡位、细圆枱悉随尊便。一块大招牌「创于1946年」，足足70年嘅历史，得来不易，枱上嘅餐垫纸都有介绍其历史。虽然自称粥面专家，但所卖嘅食物有齐粥粉面饭、肠粉、点心、糖水……等，以及烧味，跟铜锣湾差唔多！而主餐牌印齐中英日文对照，咁身处机场唔少客都喺外国人，依样就必然啦。上次晌何洪记品尝过佢嘅炒粉面，所以，今次想试佢嘅云吞同水饺，再加啲点心，睇人讲佢啲肠粉又好似几得，故又点一客大家试试。鸳鸯净云吞水饺 $63一客有云吞4粒、水饺3粒，粒粒包得细细粒，而何洪记嘅云吞亦甚有名气，
今次光顾嘅何洪记都唔例外，虽然喺下午茶时段，都算喺一枱人食完离开，又接一枱新客，香港机场始终喺个颇繁忙嘅航空枢纽，每日人流不绝，客流量不成问题，所以，只要餐厅做嘅食物好就真喺生意唔忧做。
比起年初光顾过铜锣湾何洪记，依间何洪记晌装修上就平实朴素好多，卡位、细圆枱悉随尊便。一块大招牌「创于1946年」，足足70年嘅历史，得来不易，枱上嘅餐垫纸都有介绍其历史。
虽然自称粥面专家，但所卖嘅食物有齐粥粉面饭、肠粉、点心、糖水……等，以及烧味，跟铜锣湾差唔多！而主餐牌印齐中英日文对照，咁身处机场唔少客都喺外国人，依样就必然啦。上次晌何洪记品尝过佢嘅炒粉面，所以，今次想试佢嘅云吞同水饺，再加啲点心，睇人讲佢啲肠粉又好似几得，故又点一客大家试试。
鸳鸯净云吞水饺 $63一客有云吞4粒、水饺3粒，粒粒包得细细粒，而何洪记嘅云吞亦甚有名气，属店中名物。云吞内包住鲜虾肉，果真鲜甜爽弹，又混入少少虾籽，咸鲜美更上一层楼！ 水饺则以虾肉、猪肉、木耳、笋丝做馅，食落略嫌木耳、笋丝唔够多，未更爽口，否则口感更具层次，而味道亦同样鲜甜。 汤底清而不浊，阵阵咸香，喺大地鱼吗？
香油条肠粉（炸两）$48即叫即制嘅炸两，肠粉皮拉得既薄且透，望落去都觉得内里嘅油炸鬼要脆到跳出嚟。确实，油炸鬼炸得非常香脆，仲一啲都唔油，配合埋啲滑溜嘅肠粉皮，另类嘅外软内脆，淋下豉油、沾点麻酱，好食，回味！
蜜汁叉烧酥 $35一客两件嘅叉烧酥，外层嘅酥皮颇松化，内里嘅叉烧带有蜜香，而且，猪肉所取嘅部份唔会太肥，食落咸中带甜，唯一要挑剔喺酱汁少，入口稍干。
黄金流沙包 $38依家市面上好多地方都有供应流沙包，而且，大多数地方都做得唔错，更有唔少餐厅以此做招牌点心，不过何洪记就无太刻意推佢上位，都只喺点心中嘅一款。将热辣辣嘅流沙包搣开，流心效果一流，澎湃涌出，而且咸香有蛋味，包身好软熟而唔黏牙。
时代巨轮不断咁转，何洪记亦随时代发展而变，由街边档到入铺，由无名到摘星，表现出香港人应有嘅毅力。依家晌机场开店，会有更多旅客认识「何洪记」，期待他朝有日，见到佢哋能够由本土跳到国际！
张贴
