英記油渣麵

营业中

休息中

久仰英记嘅大名，终于食到啦！落雨天晚上约10点嚟到，店舖坐满晒客人，果然有人气🫢一坐低，店员就问你食乜😂对于第一次帮衬嘅客人嚟讲，都未睇有咩食，讲真系有d压力。落单后，食物唔使1分钟就到！🔸油渣面（细）🔸英记油渣面系清清地嘅汤底，配上上海粗面，颠覆咗我一向对油渣面嘅观念！汤底清得嚟几好味，配埋辣椒酱都唔错。英记嘅油渣与坊间的唔同，唔系脆卜卜嘅，但系你可以食到油渣嘅肥瘦之分，可以当一个𩠌咁食🤭🔸芝士肠、鸡翼🔸由于小食系即叫即上，所以上碟嘅时候已经系凉凉哋，应该系预早煎定。不过，今日最主要系嚟食油渣面，小食都只系配角，所以小食有所失误都唔系太失望。味道正常，如果喺温度方面可以控制返，会更加好。🔸腐乳通菜🔸以$22嚟讲，份量算细，绝对唔平。菜框比较多（个人喜欢食菜叶）。虽然价钱有啲贵，但系油渣面的确唔错，行开呢边都会帮衬，尤其是开到咁夜，绝对系宵夜好选择👍🏻温馨提示，店舖只收现金。