金都海鮮酒家 (新豐路)

营业中

休息中

好耐无去饮茶食点心喇，朋友仔投诉行得好远，但金都好食麻。越坐越热，饮茶饮到出晒汗，无冷气咁啰！好有创意又有趣既香芒脆皮斑块，有机会试试。朋友仔对炖汤不感兴趣，无紧要，下次先。皮蛋瘦肉粥，好食就几好食，最衰只系暖暖地，再热一点就更好食。非常甜美浓浓瘦肉味道，跟上棉棉粥底及甘香皮蛋碎同吃，劲可口呢。药膳鸡脚，好味㖞！汤汁一饮而尽，药材味出众而回甘，鸡脚皮肉爽又胶，唔够热要扣分呢！香煎萝卜糕，萝卜胶吗？劲搞笑，坚系胶，质感似刷胶，暖暖地又唔热，食左半块放弃！几款送都唔热，皮蛋瘦肉粥、药膳鸡脚、萝卜糕，有无热野食架？四宝鸡扎，上次特价鸡扎无鱼肚，劲搞笑。暖暖地成条塞入口，十分 juciy，一咬肉汁汤水直喷，有点狼狈但好好食啊 ﹗滑弹鸡柳香甜、爽爽鱼肚索尽鸡汁、弹弹火腿咸香宜人、冬菇菇味浓，好味道。金蒜蒸排骨，蒜味不呛不浊，吊出排骨香甜。半肥瘦排骨啖啖肉，肉多骨少又甜美，幸福啊。