影片
更多
2019-06-09
2034 浏览
早几日先同啲朋友晌太子嘅「台湾面」食完台菜，估唔到今晚又喺台菜之夜，不过，就喺台式嘅一人火锅。近来，听食友提及呢家台式料理店「茶茶台式料理」风评不俗，趁出开旺角上堂，同亲友嚟食个快速火锅填肚先。咪睇个门面好似好窄，其实，个铺位好长好深，而且，装修简约，一室以白色为主调，加上墙上摆放唔少装饰，带点文青风，又予人感觉清爽。叫得嚟食台式一人一锅，热锅就梗喺佢哋嘅主打啦。一共有6款热锅选择，定价$108-$112，每款热锅都写明有咩配料在内，更可以选唔同辣度，亦有配料或饭面追加，不过，就无饮品加配优惠，另需加一服务费。除热锅，仲有7款台式特选套餐，定价$65-$72，并包前菜一份，亦有饮品加配优惠，喺比较划算嘅选项。此外，更提供多款小食及串烧，前者就台式啲，后者睇落就较为港式啲，但的确种类繁多。顺带就讲埋有咩饮品先，芝士茗茶、纯茗茶、超级水果茶、奶香茗茶、特调茗茶及汽水……等等，不愁无选择。由于大部份嚟嘅客人主要都喺食其热锅，所以，店家会提供调味俾客人佐食，包括辣椒粉、豆瓣酱、蒜蓉及豉油。药膳鸡锅 $112无论呢个药膳鸡锅，抑或另一个蕃茄猪肉锅，可见得份量都喺十足，而配菜正如餐牌所写，都非常丰
咪睇个门面好似好窄，其实，个铺位好长好深，而且，装修简约，一室以白色为主调，加上墙上摆放唔少装饰，带点文青风，又予人感觉清爽。
叫得嚟食台式一人一锅，热锅就梗喺佢哋嘅主打啦。一共有6款热锅选择，定价$108-$112，每款热锅都写明有咩配料在内，更可以选唔同辣度，亦有配料或饭面追加，不过，就无饮品加配优惠，另需加一服务费。
除热锅，仲有7款台式特选套餐，定价$65-$72，并包前菜一份，亦有饮品加配优惠，喺比较划算嘅选项。
此外，更提供多款小食及串烧，前者就台式啲，后者睇落就较为港式啲，但的确种类繁多。
顺带就讲埋有咩饮品先，芝士茗茶、纯茗茶、超级水果茶、奶香茗茶、特调茗茶及汽水……等等，不愁无选择。
由于大部份嚟嘅客人主要都喺食其热锅，所以，店家会提供调味俾客人佐食，包括辣椒粉、豆瓣酱、蒜蓉及豉油。
药膳鸡锅 $112无论呢个药膳鸡锅，抑或另一个蕃茄猪肉锅，可见得份量都喺十足，而配菜正如餐牌所写，都非常丰富，叠到高一高，但底下主要都喺垫咗大量娃娃菜。
药膳鸡锅
$112
35 浏览
0 赞好
0 留言
宜兰蕃茄豚肉锅 $108豚肉锅嘅份量亦都大足，配料跟药膳鸡锅大同小异，但一样垫满一大锅。两个锅都近乎同步奉上，唔会相隔太耐。
又喺先饮啖汤，汤色鲜红，蕃茄味浓郁，感觉自然；猪肉亦好软腍嫩滑，一啲都无肥腻感，啲蚬虽然细只，但算鲜甜，豆腐滑溜有豆香，整体真喺几好。
虽然下面喺以火酒糕嚟热住个锅，但够火力，一样会抽干水，到咁上下店员就会问你使唔使加汤，啲汤睇得出喺清汤嚟，唔喺就咁加啲水俾你。而且，店员会小心下汤之余，更会揾只手挡一挡。
卤肉饭 $15两个锅唔喺太够我哋食，所以，追加咗一客卤肉饭。份量唔算细，叫得做一大碗，而且，铺满好多卤肉，啲卤肉做得香浓松化，不过就几多肥肉位，怕肥膏嘅人就唔多啱；至于啲珍珠米，煮得颇香绵软熟，配卤肉，简单好味。
芝士冻顶乌龙茶 $33小弟就稍微钟意奶盖系，觉得咸咸甜甜好神奇。首先，杯冻顶乌龙嘅茶底好幽香，茶味清纯；而芝士奶盖口感细滑，芝士味带微微咸香，之后再将两者捞匀，风味十分独特，令茶嘅质感更圆滑。
芝士冻顶乌龙茶
$33
5 浏览
0 赞好
0 留言
亲友大赞杯水果茶劲正，佢话个茶式好香，而内里混杂了好多水果，如西瓜、香橙、热情果、士多啤梨……等等，好有果香，味道清新，食住火锅饮超级正！
超级水果绿研
$37
6 浏览
0 赞好
0 留言
张贴
