Sweets House Cha Cha

营业中

休息中

食饱经过海港城，心思思想食雪糕就见到依间雪糕店！佢主打既系抹茶雪糕既制品，仲有大判烧，口味有甜有咸！最后嗌左个宇治抹茶味既皇牌软雪糕 ，仲可以用优惠价$7加一个甜味既铜锣烧！佢既抹茶雪糕茶味几浓，浓得黎唔会觉得苦，亦好重奶香，但食多几啖就觉得太甜，依个皇牌仲配有白玉、红豆同抹茶冻，白玉本身无咩甜味，口感烟韧，红豆就太腍身同太甜，无咩豆味，抹茶冻就正常水准，唔系爽口，咬落比啫喱再腍身D！另外加配既大判烧系抹茶吉士红豆口味，职员有翻热，食落外皮唔脆，D馅料亦都偏甜，味道普通。