茶墨 (已結業)

饿左好耐无出街食，依家去边度食野都真系要好好拣过至得。今日同家姐来茶墨饮杯好嘅，贺一贺复活节假。我最钟意饮黑糖饮品，见到有紧系要叫啦。 我要左杯黑糖珍珠芒果鲜奶（$39），店员好好人有提我怕唔怕黑糖本身已经甜，于是拣左少甜少冰，拣用牛奶冲。未捞之前饮啖，芒果味好够，捞埋黑糖一齐饮都好夹，唔会怕好腻，面头个层奶都好正好滑的🙈。入面加左好多珍珠，慢慢咬🤤。我见menu有雪糕奶昔系列，下次天气热啲可以试试佢。家姐就要左杯黑糖姜桂圆红枣茶（$38），热饮来嘅，一打开见到都觉得好补🙈。姜味同红枣味十足，系呢边返工嘅话随时来买杯补下都好。依家咁嘅时势好难拎住杯饮品行街，所以我地嗌埋雪糕同蛋糕坐低慢慢食。双球意式雪糕就拣左2款茶味：焙茶+茉莉（$42）。非常之好食，茶味好浓，密度高，唔会话好易溶化。焙茶仲食到佢有少少㶶㶶的味道，茉莉就好清爽，岩做饭后甜品。蛋糕我地就叫左富士苹果芝士蛋糕（$28），入面有一粒粒苹果肉，芝士唔腻，饼底都好好咬😂。个人私心钟意佢地只碟，云石花纹好靓🙈。