賞茶 (康怡廣場北座)

营业中

休息中

天氣凍行街越行越凍，買杯熱茶暖暖身。叫左杯307茶王加珍珠。即使客人唔算多，但都等左約10分鐘先有，可能撞正新煮珍珠，不過都可以接受既。茶味香，入口有回甘，而且唔會轉眼即逝，茶底唔錯。配合黑糖煮既珍珠，兩者味道都夾。黑糖珍珠有咬口得來黑糖味慢慢滲出來，越咬越有味，配茶唔錯。不過唯一要挑剔就係份量唔算多，感覺吸2，3啖就基本唔太搵到珍珠，令到後半杯都基本係淨飲茶。整體來講可以算係幾好既茶飲，珍珠唔會甜到影響茶飲。